引用:
原帖由 robertchan 於 2008-5-26 14:19 發表 
請兩位師兄唔好再拗了。
師兄們已經盡力報料，警告燈亦已經亮起，錦囊也發出，跟住點樣做，由個人決定，一切後果與責任，亦要由自已去承擔。
Robert, 唔好意思, 開戶幾日, 為你帶黎咁多麻煩, 我呢度打爛沙盤問到篤既脾氣, 改唔到亦唔想改, 麻煩你將我個戶口刪除.
引用:
原帖由 jojojo0522 於 2008-5-26 14:02 發表
我真係好唔明白你的回復. 你係咪要公安當局同你講你先至信? 如果你唔信你就唔好問啦. 我都唔得閒理你啦. 你估d兄弟真係好得閒咩? 唔該你睇晒d回復先至再講. 好多兄弟已經好清楚講明發生咩事. 你仲想知咩野? 講你知 ...
師兄, 我都好唔明白你點解咁大反應, 網上世界資訊自由, 無過瀘, 真既假既混雜係一齊, 自己唔做判斷, 將個決定交比人, 死左怨邊個, 呢點相信你會同意啩
一個警告貼, 發出個人係邊個, 目的係乜, 可以係一個惡作劇, 睇既人可以一概唔理, 照跟可也, 玩少次, 當然無問題.
調轉頭, 有人發出一個解除危險帖, 睇既人係咪諗都唔諗, 信到十足, 抑或警告就應該信, 解除危險既就唔好信.
ko肯交待梗係好, 不過你同我都知無可能, 如果唔係點會有咁多師兄又問囡囡, 又問朋友, 咁就證明, 唔係個個只會單憑一個貼就信都十足. 好喇, 就算有囡囡, 有朋友報料, 擺上黎一樣有人懷疑, (我睇哂所有呢單野既帖先至咁講) 而家只係多我一個人提出一個疑點, 比大家多樣野諗下, 認為有道理, 值得相信最好, 多謝認同, 如果邏輯有問題, 你大可睇左當冇睇, 或者指出錯處.
呢個帖只所以講咁耐, 就係好多人從唔同渠道收料然後報料, 真相至會清楚. 我d points可以係錯, 不過講出黎唔係錯.
