原來咁多師兄星期日都去左呢間喎, 我晏晝三點幾上到去, 沖完涼出大廳都七八成滿, 坐低想搵個女技師按腳已經話冇哂女的, 要等, 一等就等到三點九先帶左個工衣都冇著(係著便服的)同我按, 我見佢真係好似岩岩返工咩程序都唔係好知, 要個部長一part一part咁教佢點做, 但係原來按落都有番兩手, 至少我覺得幾舒服唔係下下死力咪落去個種, 同埋真係幾勤力無揸流喎, 按足一個鐘有多(我按按下無聊偷影左幾張相, 不過唔知點post出黎, 有冇師兄可以教我點post?), 之後按完佢剩係同我講左句"可以啦"就閃左啦, 都冇比單我簽tips, 同埋佢成個按腳過程真係冇出過聲, 好專心按腳, 不過佢連幾多號都無, 可能尋日人多先黎頂住腳先.....之後按完腳諗住按埋身, 個部長又話冇技師要等等, 一等又十分鐘, 我按中式不過就比左間泰式房我, 可能有技師但冇中式房, 我都冇問咁多, 有房有技師就算啦, 唔知再等到幾時? 係房坐左陣技師就到, 普通正經技師模樣, 我都冇再特別留意佢啦, 訓低就開始按背, 過程都冇咩特別事, 不過都係按得唔錯, 有板有眼, 足兩粒鐘(120分鐘).....
之後咪換衫走人, 唯一要彈真係得個更衣室, 沖身都叫ok, 雖然水壓唔夠不過水都夠熱, 最敗筆真係locker位, 細到呢, 凍d著多件褸都放唔落, 好彩尋日熱番d冇著埋褸去, 唔係真係要開兩個locker擺野.....
出去埋單total 65人仔(一個鐘按腳加兩個鐘中式按身), 真係可以唔簽tips, 咁嘅價錢真係算幾平啦, 位置又方便, 係東門行到攰上去hea下真係唔錯.....
