羅湖出關+保城=死城
尋晚點幾去到, 貪第2朝近過關。入到更衣室, 兩個更衣都在客人換衫SOFA瞓到好林, 其中一個醒左, 牛咁眼啤住我, 好似怪我嘈醒佢咁, 大佬, 唔係我嘈醒你, 係出面服務員大叫「更衣, 更衣」。總之, 由開LOCKER, 鎖LOCKER, 遞衫, 態度都非常惡劣, 可能因為另一個更衣依然無起過身, 瞓到死豬咁, 得佢一個「開工」召呼我。
出到大堂, 非常靜, 無客人睇電視或做大堂, 又無服務員STAND BY, 望落去成個大堂好似死城咁, 心諗, 一個客都無? 於是全個大堂行哂, 呀, 只有一個客在大堂SOFA瞓覺, 同時, 仲有幾個服務員瞓得好林。本想按腳, 四圍望, 無服務員, 我感覺好似去左人地屋企咁, 左住人地瞓覺。打消念頭, 不如早D上房好過。
好難先見到有一個身穿白裇衫無瞓覺似經理的人行過, 同佢講香分推油, 佢帶我上房, 一路行, 我一路望其他房, 十室九空, 帶我到房後叫我等等, 房內無電視, 大玻璃窗, 心裡一沉, 自己好似去左黑店。不過自我安慰, 唔知有無老鼠捉呢? 好快, 另一個半夢半醒服務員拷門, 個樣同把聲就知佢剛睡醒, 話我知全場都無技師, 咪式都無, 要等一個正在上鍾的技師。我問要等幾耐, 答40分鐘左右(當時未夠02:00)。算, 等。最後, 我在房瞓左。終於技師到, 3點幾。佢按地點我都無印象, 太倦, 只記得被佢叫醒簽小費。
今朝起身埋單, 按兩個鍾, 人仔168+20小費, 俾錢的一剎那, 又話唔係$188, 要加多一個鍾, 話公司規定過夜最少按3個鍾, 所以再要多收加鐘錢! 我頂!!!!!
我話, 尋晚門口又無人同我講, 這規定又無貼在當眼地方, 我本想按腳, 但大堂又無服務員, 按全身, 你地又話無技師, 要我要等成個鐘, 3點幾技師先到。
佢話, 咁你依家可以入返去, 按一個鐘腳。我頂!
最後, 無得傾, 公司規定, 要收3個鐘錢, 放低二百幾人仔走人!!!
一句講哂, +保城呢個死城, 死城黑店格局, 大場收費, 打死唔會左去!!
[ 本帖最後由 pickball 於 2010-10-9 19:58 編輯 ]
