大家巴打要小心[轉貼]
我有三個朋友,琴晚8點幾上到大陸,上到去例必食個飯先,緊住唸吓去邊間唱k,大約玩到11點佢地打俾我幾點上去,我就啱啱收鋪查車去皇崗,泊好車睇個錶23:43!我上咗黃巴士佢地打俾我話無得玩,啱啱俾公安查牌,我話唔好玩啦大佬?我以為吹水,跟住有個半咸淡講廣東話既公安同我講要同我d朋友去派出所,叫我有興趣就去探佢地啦!心唸大撚單啦唔知又要禁幾錢救佢地出來!
到咗派出所我話要保釋佢地,有個大粒高級既公安阿頭出來問我:你是他們的貴親呀?我話:我是他們的朋友!跟住佢問我:你那麼遲才過來,你有老天爺關照喇!我跟住問:公安大哥要多少贖金才可以把他們贖出來呀?
點知佢大大聲講錢是沒有用啦現在,如果要抽佢地出來一定要親人上來派出所贖身,大大聲講一定唔會收錢,重要係男結咗婚要老婆保釋,未結就叫XX來保釋!我跟住入去問我d朋友相量吓啦!大家一至唸住叫香港既fd上來扮咪得囉, 點知個公安話一定要屋企人結咗婚要攞証書,未結要XX攞出世紙!我地心唸XX啦尼單野咁撚揚,到最後更係要----死路一條,打電話返香港吹雞啦,我落香港接佢地兩個老婆同一個老豆老婆上去,係咁問長問短點解會咁呀,去咗咩地方呀,點解我無事架.......
到最後係點?屋企人保釋晒佢地,重要簽份所謂既保釋紙,簽都唔緊要,最慘係時間..地點...人物....人數...寫晒份野上面....尼d野都唔係問題!最大單就係.....公安原來同佢地影咗相,有咩特別?係拘捕佢地同條女坐一齊影既罪証相呀.......
