買LG電話前，停一停，諗一諗
LG電話廢到冇人有，今年一月度買左部KU990，居然整左5次，每次又要整成個星期。
第一次個touch screen唔得，上去整，佢話update左個software
第二次又係同一個問題，今次話換左個機面
第三次都係同一個問題，今次就換底板
以上三次係同一個月內既事，每次都要擺低整一個星期以上。
即係話每次我取機後2-3日又發覺個touch screen都係唔得…
第四次就事隔數月，個接收弱，又上去整，7日後又係話update左個software，點知取機後一落樓下，想打電話…冇信號？？？停底睇睇，過一陣又有返信號，咁就一路行，一路睇住部電話啦，行左唔夠三分鐘，冇信號三次…。
跟住即刻上返去整，今次第二日就通知我喇，佢地又話冇事，冇做過任何維修。
今次取機後用到而家一個月喇，今次部機又冇問題喎，不過都怕怕喇，再有問題就賣左佢，唔再整喇。
總結，LG電話真係超級垃圾牌子，不過如果大家好得閒，好鍾意整電話既，咁就買LG啦。
