babycry1

早陣子，離地局長一句：「每月有萬六蚊人工，兩口子嚟講，算唔錯」引起好大迴響。月入$16000的生活係咪唔錯？還有待各網上高人及專家詳細分析。可以肯定的是，「吃得好」是所有打工仔衡量生活質素的重要指標！介紹以下這4個平靚正食點，希望幫到你~

1/ 「生煎皇」進撃港島  雲吞雞$100有找
去旺角必食的<正宗上海生煎皇>分店終於開到過海，新店繼續親民，像平時百元起跳的「雲吞雞」竟然只賣$88。即叫即煮，內有半隻雞(炆得十分腍)，自家包製雲吞，湯膽用自家雞湯，2個人食都好夠。另有外婆紅燒肉、糖醋排骨、火腿扒津白等傳統小菜，當然也有幾款招牌生煎包/小籠包。想食lunch，一碟厚切的排骨菜飯也找不過$48，好抵食。

金頤小館
北角電氣道233號城市中心商場地庫297 – 301號舖


2/ 地跖風味  圍村銀針粉
狗仔粉食得多，銀針粉就真係少食。旺角這間位於冷巷的新開外賣小店，老闆阿Roy係錦田圍村人，想把由細食到大的圍村銀針粉帶出市區。主角「大口圍村銀針湯粉」，賣$40/碗不是無道理 —— 湯底用新鮮豬肉熬成，飲過就知無味精，加冬菜、魚片、蝦米、土魷、芫茜、唐芹等，銀針粉十級彈牙，滑入口中，連鮮甜湯底，老闆話唔少客人都會乾哂佢！另有招牌蠔仔泡飯，用大地魚煲成湯底，加流浮山蠔仔，啖啖都好甜！

119 大口銀針粉
旺角黑布街104號地下D號舖

3/ 九龍灣新平民地竇
本欄之前介紹過的抵食漢堡，所在地「牛下新城」現時日日人頭湧湧，已是街坊開餐食點。當中最受歡迎的仍然是當年車仔檔<八座小食>傳人主理的小店。主打牛什、碗仔翅、臭豆腐、沙嗲魚蛋等小食。有無昔日牛下風味就由閣下親身驗證，但一定夠平靚正！

牛下新城 得米美食檔
九龍灣牛頭角道3號得寶商場TBG Mall地下

4/ 鵝頸橋熟食中心  人龍車仔麵
食家蔡瀾先生曾寫文稱讚的<九記>是間名氣老店，銅鑼灣地膽不會不知。每日由lunch time開始，至下午5點收舖前都做到無停手，店外keep住有條小人龍。這裡的3大招牌是牛什、炸魚餅及大地魚湯底。炸魚餅密密手由廚房拿出，不算炸得脆卜卜，卻軟糯帶魚香，蘸辣椒醬食一流，其餘大路配料是蘿蔔豬紅炸雲吞等。大部份人都叫「湯麵」，但其實這裡的「撈粗」都出色，爽彈好吃！又無因為名氣起價，$27 /3餸，值得支持。

fg11

thanks info:good2: