中女情人

其實由清末開始, 中日就發生了兩次戰爭, 第一次是甲午戰爭, 第二次是第二次世界大戰. 趁2015除夕公司無野做, 等收爐, 講下, 所講既, 一定有爭議, 又會比人罵漢奸, 其實, 深入看歷史, 真係要從政治一齊看, 不能只看民族感情.

1. 其實清朝, 就算係清末, 包括溥儀, 係中國歷朝來講, 都唔能夠講係昏君, 清朝被推翻, 好多人話係貪腐.....(下刪幾千字), 但其實個個朝代都有, 中共現在無咩? 清朝被推翻, 直接原因係.....打輸左甲午戰爭. 好多唔讀歷史的人, 開始會反駁我....., 鴉片戰爭開始, 清朝就打親都輸啦. 但其實性質好唔同........

2. 鴉片戰爭1,2, 係古文明對新科技. 睇返歷史, 其實清朝基本上, 係呢個戰爭係無能為力, 可以做既, 都做完. 即係等如, 如果地球對抗星戰FIRST ORDER咁, 燒煙係必然而正確,英國出兵是必然, 清軍被打敗係無辦法, 好多人話清末軍隊無能, 一打即潰, 但其實就算出到憎格林深, 蒙古鐵騎, 都係全軍覆末, 當時佢地沖向英法聯軍, 但係當時歐洲, 槍炮對騎兵既既發展, 戰術及戰略已經好成熟. 而清政府, 對人地火炮威力係一無所知.

3. 其實清政府, 對英法開始係夠強硬, 第一次鴉片戰爭, 咸豐對前線既資料, 應該係好清楚, 好快清楚對方既武器是強過自己好多, 所以好快就決定議和, 呢個係無辦法既決定, 到第二次鴉片戰爭, 咸豐係低估左雙方武器性能既相差, 所以以為可以一戰. 點知......連首都失守(其實好大件事), 件事結束左, 決定好快, 就係洋務運動.

4. 其實洋務運動, 清朝算係搞得好成功, 直到1894年, 甲午戰爭, 其實以海軍力計, 中國當時係世界十名以內. 洋務運動中間, 有中法越南戰爭, 以當時既實力, 係越南, 算是同法國打成均勢,唔係鴉片戰爭咁一面倒, 到1894年前夕, 其實中國係國際地位, 已經唔再係吳下阿蒙, 對外, 有李鴻章為首既一批既改革大臣, 其實呢班人, 真係勁到痺, 海軍, 你地可能唔信, 其實佢地口號係用.......英文. 大部份海軍軍官都係留學歐洲, 仲有.......歐洲顧問係艦隊....., 如果甲午戰爭中國無輸得咁慘......., 有無辛亥革命都好難講......

5. 咁清海軍咁勁, 點會輸比日本, 好多講到慈禧太后拿左錢去起園比自己, 海軍有人貪生怕死.......,

清政府可能低估日本既利害, 但我個人既結論(可以任插), 呢D都係"清流"(希望大家知係咩), 維新派或革命黨人所講, 其實海軍真係算好英勇, 結論係.....點打都輸, 日本太強. 十年後, 日俄戰爭, 當時俄國夠強吧, 又係打旅順, 日本軍人用人肉擋子彈, 打敗俄軍, 旅順艦隊, 戰鬥民族, 夠強吧!! 又唔係被打敗.
甲午, 如果清政府準備充足, 日本會........死多些人。但係。。。。都係會輸。其實甲午之戰，　除左海戰，陸戰輸得仲敗家