【on.cc東網專訊】正所謂「馬路如虎口」，不單是過路行人，駕駛者亦需打醒十二分精神。有司機便在公路中線轉快線時，突然遇上「攔路虎」，幸司機反應及時匆匆煞車，才未釀成意外。司機自爆當時「車住一家大細」，怒斥停在路中心的工程「箭咀車」攔路，相關車Cam片段曝光後，亦引發網民群起嚴斥工程車，毫無危險意識。該段不足一分鐘的車Cam片在facebook群組「小心駕駛(討論別人駕駛態度)」被公開，片段顯示在昨晚(2日)11時許拍攝。車Cam拍得公路中線有多架重型車輛行駛，當司機沿快線右轉時，彎位前方突然出現一閃一閃的燈光，司機隨即煞停座駕，定神一看才驚覺前方原來停著一輛車尾有「箭咀」燈號的工程車，並見有工人在「箭咀車」右側俯身執拾物品，然後上車。發文司機直斥「唔好咁啦」，指摘工程車竟然在「快線，出彎位」的危險地帶停車執嘢，若非其座駕煞車系統「有返咁上下，你話點算」，並稱「好彩小朋友當時有扣安全帶」，否則可能「飛咗上前面」。雖然司機能及時煞車，但亦擔心尾隨的車輛「收唔到」，屆時會「撞落我到」，造成連環大炒車。不少網民睇片後，亦鬧爆「箭咀車」靠害，毫無安全意識。有人則揶揄工程車猶如「公路殺手出沒」，十分嚇人；有人亦指出「落車執嘢果(嗰
個最危險，呢間公司好不負責任喎」
