年頭年尾大把假要清，焗住要放平日，都好，揸車出去兜下風，搵條海邊�H公路走幾轉，然後泊好車去飲茶，再搵個無人沙灘同阿女溫馨吓。去親啲熱門海灘，即使平日，都肯定旺過旺角，因為而家交通太方便。呢個時候可以向相對上冇咁交通方便�H荃灣西望一望，青龍頭、深井嗰邊會比較幽靜，一樣有好靚�H沙灘，仲可以邊食嘢邊望住汀九橋，最重要係冇乜人，幾爽。
揸車由荃灣西向屯門方向行（記住揀下路，唔好行屯門公路），經過麗城花園入青山公路汀九段，都唔駛去到代表深井區嗰隻肥鵝公仔，已經見到不一樣�H風景：條路向海嗰邊係沿海小屋，當視線望到汀九橋之後，準備進入迴旋處，轉3點鐘方向�H出口，泊好架車喺橋底停車場，就可以去搵隱世海灘。
呢個海灣真係比較靜，即使係夏天都唔算係熱門選擇。其實由頭先�H青山公路汀九段開始，已經先後經過近水灣同汀九灣，中途亦可轉入左邊通往沿海小屋�H小路，路邊有錶位可泊車，行落樓梯就可以去到近水灣同汀九灣。不過，再遠少少�H麗都灣同更生灣，啲沙同水就再靚啲，亦都有更衣室同洗手間等設備，櫈都多張俾人坐下。
麗都灣係影汀九橋�H著名靚位
橋底停車場都幾多位，平日都唔會爆
過咗行人天橋就向深井方向行
