黃店「糖水雄」近日分享一單送外賣經歷引發熱議，指早前接獲大帽山訂單後，冒著大雨在大帽山郊野公園苦等逾30分鐘，其間不斷致電客人電話均無接聽，最終決定親自將糖水送往川龍，才順利完成交收。惟不少網民質疑事件的真偽，「唐仔雄同tommy一樣最鍾意作故仔」、「同tommy一樣咁Ｘ假」、「「作D故事出嚟拎曝光，之後又一班人同情佢又同佢買」。
話說，「糖水雄」早前在社交平台發帖文，聲稱接獲一宗外賣訂單送上大帽山，惟對方沒有接聽電話：「求吓你！求吓你訂單編號601請快啲聽電話啦，我們已經致電了你多次了，小弟已經喺大帽山等候差不多超過30多分鐘了」，由於位置偏僻加上當時下着大雨，「小弟亦都非常之尿急，小弟亦都非常擔心，一陣間你到咗搵唔到小弟」，希望對方見到此帖文盡快聯絡。
最後，更表明若至晚上11時之前仍無回音將取消訂單，並會退款予客人，帖文附上兩張手持糖水盒、背景為大帽山山頂夜景與街燈路段的相片，話「雖然大帽山風景好靚，但一條友望住個夜景咁耐真係會有啲dry」。
店主其後在留言交待事件的後續，話對方「瞓着咗」忘記叫了外賣，「客人聯絡咗我了，原來他剛才瞓着咗，忘記了嗌外賣。啱啱揸咗落去川龍順利交收完成了。」帖文又透露事情已圓滿解決，強調不會再對該單作退款處理。
帖文引起網民熱議，不少人狠批客人離譜，「夜麻麻送上大帽山玩嘢咩！有啲人都冇性�H」、「你咁做生意唔掂，遲到 30 分鐘仲退款？仲要喺大帽山喎！」、「唔好退錢啦，等咁耐都唔出現，比着第二啲人送外賣，最多打2、3次電話唔聽就走人。你如果咁都退錢，一定引好多人嚟玩你，所以千祈唔好退錢」、「呢啲西客都退錢只會做壞規矩」。
有網民將帖文轉發至「連登」討論區，當中不少網民質疑事件的真偽 ，「唐仔雄同tommy一樣最鍾意作故仔」、「同tommy一樣咁Ｘ假」、「條友呢排嗰啲煽情故仔越嚟越嘔心」、「真係有人信係弱智，真係會咁做就更加弱西智，比心機，下次大嶼山」、「佢張相隔離有部Tesla，一直都想問其實個外賣員根本就係揸Tesla上去」、「作D故事出嚟拎曝光，之後又一班人同情佢又同佢買」、「成日有d 特別經歷�H人，應該都係作嘢多」。
有「連登」網民分析指，「如果係真係外賣單�H話，張單直頭貼喺包裝袋上，又或者直接寫單no.，而唔係就咁寫『大帽山601』，雖然有私家車送外賣啫，都唔係咁，擺明係自編自導自演，自己買外賣，然後專登揸車上山，落車打咭之後，再作一大篇文嚟呃like」。
https://www.dotdotnews.com/a/202506/23/AP6858efa2e4b0a242bf05c543.html
