為安全理由，乘客上巴士時要將嬰兒車摺好並抱緊小孩。近日，有網民目睹有孕媽沒有在上車前先收起BB車，無視車長勸喻，強行將整架BB車推上巴士。該媽媽感到氣憤，更似情緒有點失控，大聲表示懷胎7個月，湊2孩很辛苦，直指自己有產前產後抑鬱，一定要投訴車長，孕媽的行為令人感到無理。
巴士奇遇無理孕媽
有名媽媽網民向Facebook專頁「生仔要考牌系列」投稿分享有次乘坐巴士的經歷，目睹一名孕婦同行有外傭和2孩，孕媽推著BB車正在等巴士。當時巴士站頭有顯示板可看到巴士何時抵達，孕媽排在隊尾。而女網民上巴士坐好後，突然聽到車長用比較大聲線叫：
阿太太摺咗BB車先上車！
投稿網民形容該太太「撞聾咁款」聽不到車長說話，將嬰兒車上的BB給已經孭住一個BB的外傭姐姐後，強行將部嬰兒車推上車。當時車長見狀再強調一次「要摺車」。
該名太太不耐煩地回覆：「上咗嚟咪摺，我大肚㗎！」接著有好心乘客幫她摺車，車長就停車等他們摺好嬰兒車，當時好心人不識處理BB車，擾攘了一輪，車長終於才開車。
孕媽感委屈抱怨辛苦
太太不忿氣地說平時乘巴士不是這樣的，車長回應「咁你搭下一架啦！我架係咁㗎喇！」當時有好心乘客勸交指雙方不要嘈，車長之後已沒再回應阿太。不過該太太激動似想哭大呻︰
我大住肚七個幾月，仲要送兩個（投稿網民表示目測似N班及K1）返學！你知唔知我好辛苦！我產前產後抑鬱㗎！我好X辛苦！我要投訴你！
好心人扶住該孕婦行去車頭拍攝車長的名字，影相後坐回座位，然後施展獅子吼大聲說「我一定投訴你！」過程中，車長已沒有理會該孕媽。她開始自言自語：
我上車話咗你聽我大肚㗎啦！你睇到㗎！我仲要送返學，好辛苦。
建議正視產前產後抑鬱
在此過程中，似是有其他在場乘客不值孕婦的行為，不時出現「謎之聲」發表意見，包括當聽到孕媽指自己有產前產後抑鬱時，有叫她「咁你睇醫生啦」；當聽到孕媽大呻辛苦時，有叫她︰「你大肚係關你老公事……你冇屋企人幫你，係你屋企人問題，呢度冇人欠你！」
投稿者有感如果孕婦的家人看到有關帖文，麻煩帶她看醫生，不看醫生也給錢予她坐的士。很多網民感到孕婦的行為可惡，表示最討厭這些帶著細路又或大肚者以為自己大曬，留言斥︰「地球不是圍住佢轉的」、「咁委屈，點解唔搭的士呢？摺BB車坐車係常識」等。另有網民揶揄她︰「好心個老公買架車請個司機俾佢啦，佢講到好似個司機搞大佢肚咁，對佢負責任」。
https://topick.hket.com/article/2776705/%E3%80%90%E7%84%A1%E7%90%86%E5%AD%95%E5%AA%BD%E3%80%91%E5%B8%B62%E5%AD%A9%E5%9D%90%E5%B7%B4%E5%A3%AB%E8%A2%AB%E8%BB%8A%E9%95%B7%E5%8B%B8%E5%96%BB%E6%91%BABB%E8%BB%8A%E3%80%80%E5%AD%95%E5%AA%BD%E5%91%BB%E6%9C%89%E7%94%A2%E5%89%8D%E7%94%A2%E5%BE%8C%E6%8A%91%E9%AC%B1%E8%A6%81%E6%8A%95%E8%A8%B4?mtc=10016
