聾森

有錢有人氣冇錢唱衰你
轉貼appledaily



【本報訊】尋歡如開飯，盡信網上正評隨時「中伏」。全港最大色情網站<廣告病毒網頁[系統禁止出示]>.com近年屢出新招，美其名方便嫖客選擇人氣「囡囡」和交流「不爽」經驗，但有鳳姐踢爆，所謂人氣榜，任何人只要付錢就可以上榜，而專門結集負面評語的「跌錢報告」區則由網站自己人「老作」，鳳姐要付錢才可刪除，網站的真正目的是向鳳姐屈錢和逼她們向寫手提供「免費餐」。

專門協助性工作者的組織紫藤和青鳥，近年不約而同收到姐姐仔投訴，指<廣告病毒網頁[系統禁止出示]>.com大出「花臣」壓榨「囡囡」。在觀塘當一樓一鳳的嘉嘉指，網站為了「屈錢」無所不用其極，她因被網站狙擊近4個月，收入大減，決定挺身揭露該網站的賤招。
嘉嘉指，<廣告病毒網頁[系統禁止出示]>.com過去一年新設「今日之星」欄目，名義上是紀錄客人送花給姐姐仔的數目，收花越多，人氣越高，但收款的不是花店而是該網站，送的不是真花而是網頁上的玫瑰花icon，「每支花10蚊，每次最少送30支，有效得嗰24小時，點會真係有客買呀？咪又係自己買，個客每日畀得300蚊買花畀你，不如直接包起你啦係咪？」

唔肯畀錢繼續中傷
打開141網頁，有鳳姐收花超過140支，「即係未開工已經要攞千幾蚊出嚟，但真係有人信佢咁受歡迎，羊群心理走去幫襯㗎喎」。至於討論區內的「爆鐘卡」欄目，運作模式與買花相似，「爆鐘卡」10元一張，每次至少買100張，「即係最少都要1,000蚊，啲人買開一次過1,000張，啲女仔為咗爭頭幾名，每日使成5、600蚊。」
而令姐姐仔「最傷」的，是美其名讓客人分享負面經驗的「跌錢報告」區，「啲寫手或者客人約唔到啲女仔出街，寫你有性病，話你又老又醜，連你廣告條link都擺埋出嚟」。
鳳姐要刪帖，每帖盛惠200元，若被「唱衰」的鳳姐本身非該網站廣告客戶，更要先付200元入會費、首月1300元廣告費，再付200元刪帖費，才能抹走一則負評，「如果有辦法證實，我心服口服，但其實乜人都可以寫，唔會審查，話要捍衞言論自由，如果言論自由咁緊要，就應該連200蚊鏟post費都唔好收啦，其實咪又係想榨乾啲女仔」。
若鳳姐不肯乖乖付錢，寫手會繼續追殺，「日日中傷你，一時話你石頭波，一時話你洗碗阿姐咁嘅樣，120磅又寫到170磅，話你4個仔女、6個仔女，啲男人聯想到你生咁多個，都唔使嚟搵你啦，好多人為咗搵食咪向佢屈服囉，啲版主當食免費餐係佢份工嘅福利，同啲女仔開房唔肯畀錢，大大聲講『我食女從來唔使錢』！」

正面報告每份500元
嘉嘉亦因拒絕客人約會，結果被抹黑，「我同佢飲茶又冇錢收嘅，點解我要去唧，不如早啲返工搵錢，佢同啲版主熟，我唔聽佢電話，咪叫人寫衰我囉，話我50歲，話我偷錢，有個仔20歲，寫我有性病，周街都係女，有女朋友同老婆嘅都唔會嚟幫襯啦」。
這些負評令嘉嘉的生意大插水，「以前一日搵幾千蚊，日日有客排隊，有啲客排兩個鐘，行吓又返返嚟，等5個鐘都試過，&#134513;家一日得兩個，我收400蚊一個，你話我點生活？我知道點解決㗎，我一向佢就範，搬去佢屋企住咪冇事囉。」另一方法是幫襯寫手寫「正評」，「如果係官方寫手就1000蚊3份，一個月要用晒，如果非官方就500蚊一份，逐份計，你始終都要入局，挽回聲譽。」

嘉嘉說，有姐姐仔被「追殺」逾年，情緒大受困擾，「佢同我講想自殺、想死，我咪勸佢唔好，冷靜啲，但上高啲人太惡，太有勢力，蝦啲女仔求助無門，令你無辦法生存，我哋唔做呢行仲可以做咩呢？」

Lawrence_Ding

貓台同陸台咪一樣:icon9.gif:

Mars

正仆街吸血鬼網站,皮肉錢都呃

門小姐

人性何在

mongping

正吸血鬼, 生仔冇XX

oldpig

送4台八個字，悲鄙無恥，下流賤格。

zoomam

引用:

原帖由 Lawrence_Ding 於 2013-8-27 23:25 發表
貓台同陸台咪一樣:icon9.gif:

行政上係

hammy

所謂人氣榜，任何人只要付錢就可以上榜，而專門結集負面評語的「跌錢報告」區則由網站自己人「老作」

pk ad website