轉貼真人真事~~小心介紹裝修師父勁多隱性收費！
"朋友"介紹裝修師父, 勁多隱性收費, 用我屋企ge事黎提醒大家
唉, 其實開post ge目的一黎係吐下苦水, 二黎就係請各位提防一下, 有時經所謂ge朋友介紹ge裝修師父會做得俾心機d啦, 點知, 勁多隱性收費+格硬收你錢
咁屋企有層樓要裝修, 當時屋企人周圍格價, 大約都要20~30萬up, 然後有個做地產agent ge"朋友" 就同屋企人講 佢老公就係做裝修, 計平d, 加上熟人介紹都安心d呀嘛
就咁, 屋企人就深信人地會幫你用心地整得好好睇睇, 唔知屋企人太傻定太信任對方, 連幾多個師父開工都無問, 但個對方又講到實牙實齒話, 最遲咪1個月完工, 然後就開始裝修...
結果, 開工到完工都只有一位師父, 就係果個地產agent 個老公, 然後成個工程拖到3個半月有突, d用料就更加唔好提, 最好笑ge係, 房間有裝冷氣, 但個師父真係醒到連裝個冷氣開關制係房門口邊/床邊 etc 都唔肯裝, 結果叫佢加番啦, 個師父一開口就: 得! 加錢吖! 你加左錢, 我咪裝俾你囉! (仲要聲大夾惡+攤大手掌係你面前)
後來再去睇d 門點裝啦, 裝反左, 叫個師父整番好, 個師父又話: 得! 俾錢吖! 你俾錢我幫你整番好! (動作語氣同上)
後尾屋企越俾越多錢, 就黎接近市面上ge價, 但當然d料就差過市面上面果d啦, 大家都當破財擋災, 息事寧人時, 個師父又話: 你地間屋個電壓唔夠大啊, 我裝修果陣已經幫你自行加大左個電壓啦, 呢到你要俾番4000蚊俾我wor! (又聲大夾惡, 仲要攤大手板問你拎錢咁樣)
當下真係火都黎, 電壓呢d野有得話加就加咩? 就算有, 你加之前點解唔問左業主ge意見先? 所謂"加大左電壓"之後, 裝修好哂, 先黎再問我地要錢? 然後連完工紙都唔肯俾, 叫佢寫番封信/電路圖証明佢有加大過電壓, 個師父話: 得, 我寫俾你又點話? 不過咪洗指意我會簽名作實囉! 你要我簽埋名都得, 俾錢吖!
時至今日仲未搞掂件事, 個師父日日叫我地俾果4000蚊, (裝俾費果d我地已經俾哂錢, 後來在裝修期間果d隱性附加+強硬附加費都俾埋), 但唯獨呢件事真係唔妥協, 完工時候, 裝修果一方有責任俾完工紙我地, 但一直死拖住唔俾, 我地要果張完工紙就要俾錢, 我地都唔追究佢用料差, 工程時間拖長, 仲要外加各種附加費, 但個裝修師父洗唔洗恨錢恨成咁??
個地產agent (即裝修師父個老婆) 當然就幫住哂個佢老公啦, 同佢解釋左10幾次, 完全聽唔入我地講ge野
後來經agent個妹了解番, 同類事情已經發生左好多次, 仲有好幾次鬧上法庭, 本來裝修師父底下仲要d同佢一齊開工ge同事都頂佢唔順, 全部走哂
到岩岩開post前, 個裝修師父仲sd whatsapp黎, 個大概內支係話: 我俾張完工紙你, 你用4000黎換
真係好嬲....
大家以後如果有d所謂ge "朋友" 介紹, 都要留心+問清楚, 唔好好似我屋企人咁"好傻好天真" , 乜都唔問就信哂人, 結果人地只當你係低能水魚...
