29/4晚,沙咀一個可怕既經歷 (轉貼)
事緣個日有朋友係澳門返來,決定係沙咀唱k聯誼,一行4人23:00到食完飯後到海xx樓唱k成個過程都ok啦,玩到大約零晨3:00到,有二個friend決定係沙咀過夜,我同另外個friend就帶幾分醉意離開k場,出返去到位於皇崗付近既骨埸過夜,其間在大路都有好多白牌車,但由於安全問題決定搭的士(估唔到咁都瀨野),出左沙咀後約6,7分鐘左右,突然一架私家車截停左我地架車(#公路草叢邊)
當時我地都唔知乜事,跟住有5個人落車衝過我地架的士話我地係沙咀打人,要求我地跟他返沙咀認人,我地當然拒絕,(跟佢返沙咀熔左我都得啦,白痴架)跟住佢地好快就硬拉左我地落車,係公路草叢邊爭持左十幾分鐘(其實係俾人打,其間見到一個肥仔拿左把幾吋既摺刀仔出來,但最後都無用到,收回)想強行拉我地上佢架車,之後我地二個既電話同係銀包既幾百元都俾佢地搶左(證件無失)好彩我個friend既銀包佢地摷唔到(可能佢地都急住要走,不宜逗留太耐,過程都有二十分鐘,)之後佢地挾唔到我地就走左,而我地架的士一早就走左(正仆x,幫手打個電話報警都可以掛,)
之後我地再去截的士返皇崗再打電話俾二個在沙咀既朋友叫佢地小心地離開沙咀同我地會合返香港,雖然有d傷,但可以安全回香港,不幸中之大幸(一額汗),我係沙咀玩都二,三年,都係第一次出事,我諗我都唔會再去啦,呼籲各位盡量小去為妙,就算去既話都最小都幾個人囉,同埋要一齊走,個頭真係幾雜下,乜人都有,諗都無諗過我唔係d有錢佬個仔都俾人挾,諗返都真係有d怕怕,提一提各位上去玩開心之餘都真係要小心d囉,我個friend而家話上大陸都驚呀
