小心蛇仔
星期六晚原本約好一個朋友去常平玩,點知太夜錯過了最後一班火車,係火車站附近比一d蛇仔知道左我地去東莞,就走過黎同我地講價(220),最初我都怕呢d人會呃我地,但我朋友膽生毛話唔怕,仲話要呃都呃d有錢年紀較大果d,我聽左之後都覺得有d道理,跟左呢個蛇仔行左約15分鐘到了一個較少人的地方上車,果道仲有2個同伴係道,上車前佢地問我地拎錢,我就比左200人仔同20港紙,收錢果個就話d人仔太新要我比d舊d既佢地,但我係找換店換返黎既都係新銀紙,我朋友就比左200港幣佢地換返我果兩張人仔,但當時太黑冇留意到原來佢地已經將我果200蚊換左2張假既錢比我地,後來佢地又話唔收100蚊要收500蚊,比返200蚊我朋友仲係我朋友銀包里面拎左張500蚊,佢地跟手找左300蚊人仔比我地,當然果3張都係假既,我即時覺得有d問題,叫佢拎返張500蚊比我地,點知佢地發惡話快d開車走如果比公安見到會罰款一萬,仲好似想打人咁樣,最後我朋友勸我算數走人
