要數到2024年娛樂圈風雲人物，73歲李龍基必定榜上有名，與36歲未婚妻王青霞（Chris）愛得轟烈引起熱議，即使Chris判監25個月基哥仍堅稱非卿不娶，相當情深。對於外界一直指Chris為錢接近，基哥直言：「初初識佢時有咁諗過。」更爆出原來名下8層物業早已無晒。
王青霞（Chris）被控逾期居留、使用虛假文書及違反逗留期間接受工作等共7罪，日前被裁定5項罪成，合共判監25個月。李龍基得知判刑結果後一度情緒激動落淚，他接受網台節目《葳言大意》訪問時，直至對未婚妻甚有信心：「我可以寫包單佢一定唔會變心，佢喺香港無人無物得我一個，我食硬佢。」
基哥指未婚妻是太愛自己而犯下大錯：「佢寫咗122封信畀我，我感覺佢愛我多啲，當然我都愛佢啦，因為整件事�H發生就係因為佢太愛我，若然唔係佢無需要忍受或接受呢D痛苦經歷，（假文憑假證書呢啲？）係，因為佢想盡辦法要留喺我身邊，變咗做咗好多傻事。」
對於外界經常指Chris為錢埋身，基哥更爆出傳言中的七層物業其實是八層，但早已散盡：「啲人以為我好有錢其實係窮光蛋嚟，因為我同前妻離婚覺得對佢唔住，所以我係淨身出門完全畀晒佢，簽字離婚放棄晒啲嘢因為Chris，2019年�H時候。（有無諗過Chris係為咗你�H名或者利？）我初初十幾年前識佢時有咁諗過，然後我唔想搞亂家庭分開咗段時間，再重逢就乾柴烈火重新喺埋一齊。Chris係好清楚我畀啲物業前妻，仲有少少現金積蓄傍身捱下。佢係知道要同我呢個七十幾歲�H男人捱世界，佢義無反顧。」
https://www.hk01.com/article/1034579?utm_source=01articlecopy&utm_medium=referral
