前公民黨議員楊岳橋(AY)過往因失言而成日被嘲笑，喺2017年時曾經話覺得部分被判入獄�H年輕人擁有「呢個案底令佢哋人生變得更加精彩」，即使佢已經就言論道歉，但仍然被翻舊帳。AY因去年參與民主派初選而涉違反《港區國安法》，依家喺荔枝角收押所還押，有指佢喺獄中被問到「人生夠精彩未」時，仲以爆粗回應添！
AY當年出席反新界東北發展案聲援集會嗰陣，提起話以前成日同犯事�H後生仔講，案底對人生有好大影響，但又覺得因為反東北案同衝擊公民廣場而被判入獄�H年輕人擁有「呢個案底令佢哋人生變得更加精彩」。AY爆出呢番言論後引起社會爭議，仲被質疑鼓勵市民犯罪，最後佢先解釋話失言同埋道歉。
最近47名民主派因參與35+初選而被控「串謀顛覆國家政權罪」，其中有部分人仍還押當中。被告之一、前民間集會團隊發言人劉頴匡女友今(7日)探監後，指劉頴匡喺收押所內以叫喊方式同其他人傾偈，仲有同AY講「點呀，人生夠精彩未？」，而AY就以爆粗回應。劉�H女友就形容，佢哋係自嘲、苦中作樂。AY保釋被拒後，唔少人搵翻佢當年�H言論，睇嚟佢當年都冇諗過自己會淪落到咁喇！
劉頴匡還押期間問楊岳橋，但被對方以爆粗回應。
https://hk.on.cc/hk/bkn/cnt/news/20210307/bkn-20210307172445798-0307_00822_001.html
