【on.cc東網專訊】一樣米養百樣人，有求於的士司機，事後你會畀貼士嗎？昨日（22日）兩個的士司機，不約而同分享幫助兩個十萬火急乘客的遭遇及「下場」。司機Gary冒超速之險，為忘帶手機乘客90分鐘來回機場及康城，最終僅收2.5港元貼士；司機Peter專程將銀包放回給大意遺失的乘客，最後連按錶的車資也收不到。
的士司機Gary在Facebook群組「的士司機資訊網」上表示，日前遇到一位趕飛機但帶漏手機的乘客，要在有限時間來回機場到日出康城：「希望我幫幫手行快啲，我見佢咁慘，於是幫佢盡趕啦，20:30上車22:00回到T1（一號客運站）。」
原本要近兩個小時、近百公里來回車程，司機「幫盡」個半小時便回到機場。可能不少人會覺得司機幫趕急乘客，乘客也會樂意畀貼士，但現實卻是原本按錶收費是677.5港元，乘客最後付680港元，最終只給了2.5港元貼士。
另外司機Peter亦有類似的遭遇。Peter在女乘客下車後，發現在車廂後座找到乘客遺下有不少證件的銀包，「當時我因為已經約好同行吃飯，留下餐廳位置讓她自己到取。」但正當Peter吃飯途中，女乘客卻要求將銀包送到蘇屋邨。
雖然女乘客承諾給予該程車資，但最後乘客卻在約定時間十分鐘後才出現。原本按錶收費是80.1港元。女乘客在失而復得的銀包掏出100港元鈔票予Peter，再要Peter找回20港元給她，最後沒有貼士之餘，司機更倒蝕0.1元。
不少人看到兩個司機遭遇後替司機感到不值，認為Gary冒影快相風險為乘客超速，但最終卻是「良心當狗吠」。但亦有人認為「跟錶收是常識吧」，不應該奢求貼士。另外亦有網民認為個半小時已經按錶收費有680港元賺已經值得高興。
有同行亦為Peter「捱義氣」但被冷待感不平，認為有些乘客無站在司機角度想：「個客唔畀貼士你都冇計，唔好諗住應承咗就會畀，試多幾獲就知可以講過唔算數。」有人近教司機下次「銀紙袋落袋，銀包掉落海，就算畀番乘客或拿去差館，都係搞到自己激氣。」
