香港打工真係艱難尤其是服務業！日前有網民直擊一個中年大叔在港鐵客務中心排隊，詢問職員補鞋店的位置及營業時間。由於職員未能及時回答，於是要他在旁邊稍等，再先幫下一個排隊乘客處理票務事宜，豈料此舉惹起大叔不滿，連續爆出金句「檢討」職員：「我唔知要等幾耐，你問一問駛幾耐，你唔係咁�H態度呀嘛！」最終逼使職員要先幫他問營業時間，才肯作罷。
事件被不值排隊叔所為的網民拍下，並於日前被上載到群組「巴打絲打 Facebook Club」。事發於旺角港鐵站的客務中心，一名大叔排隊向職員詢問就近補鞋店的位置，當職員解答在佐敦站後，他隨即追問其營業時間。由於職員未能及時回答，後面亦有不少人排隊協助，於是職員當時便向排隊叔表示，會幫他問一問，再着下一個乘客上前。
誰知排隊叔因不滿職員未能第一時間解答他問題而不滿，隨即站在客務中心前拍枱指罵職員，認為職員未盡力幫他解決問題，並指會作出投訴：「我唔知要等幾耐，係咪先？你問一問使幾耐，喺佐敦站，你唔係咁�H態度呀嘛！」他一邊指罵、一邊霸住着櫃位不讓路予下個乘客，令在旁的女士十分無奈。
排隊叔一直指罵該男職員：「我依家檢討緊你態度吖嘛，做嘢！…態度你叫我行開唔啱吖嘛，我冇排隊呀依家？我有權唔讓你啲客！我依家掗住呢個位呀！清唔清楚呀你？」職員最終查到時間，禮貌地向他解答。他知道答案才肯離開，離開時亦沒有一聲道謝。
上載片段的網民不禁慨嘆：「其實職員都話幫佢查緊，要時間等覆，後面又一堆人，而且其實我覺得，個職員個職責係唔需要幫佢查邊到有咩舖頭囉！唉，香港打工真係艱難尤其是服務業！」不少網民看過短片後，認為排隊叔無理取鬧，有人又感慨他未能自行用手機尋找答案：「開Google Map（手機地圖）自己search（搜尋）啦…」有網民更將排隊叔起底，指他經常在深水埗出沒，會無故在街上鬧人，着網民小心提防。
