newbie

見得閒，就上去救國啦，未救國，先行街，行到深南中路近駿園酒店的行車天橋底，見到有一對情侶q 住手行，後面有個約30歲的男人鬼鬼鼠鼠烏低身跟響兩個人的中間，佢地係迎面而來的，當經過時我就見到後面個男人原來手入面有一件類似餐刀的金屬物品，約1隻手掌咁長，響到了個男情侶既褲袋，個男情侶可能感覺到，咁就R左一下，個鬼鼠男人就行開了。

各位真係要小心銀包，如果唔係未救國，D救國款項已經落入別人手中！

當時我又唔夠膽出聲話有人偷野，怕佢有其他同黨響附近，又怕佢會用o個把金屬刀攻擊我。但係個心又咁諗，如果捉到一個，咁就少一個人偷野，少d人中招，個心非常矛盾。最後都係無出聲。

其實遇到呢d情況，應該要點做呢？

albert1201

如果係日頭街上人流唔係太少,我一定大聲叫.

newbie

成日都聽到上面好多扒手，聽就聽得多，今次都係第一次親眼見到。平時返大陸時已經好機警咁周圍望，見到呢單野之後就望得更加密，雙手不停護住電話同銀包，真係好驚下個係我

newbie

引用:

Originally posted by albert1201 at 2007-10-9 00:25:
如果係日頭街上人流唔係太少,我一定大聲叫.

如果人流多，唔怕好多同黨響附近咩

當時人流唔算多，得幾條友。如果隻揪(拳頭交)，我覺得我揪贏佢既機會好大，但係佢有刀，又唔知有冇同黨，所以先無出聲。

當然啦，如果見到係朋友比人扒銀包，就一定點都出聲！

pantsu

我見的話就會打個 " 大刻嚏 "

長江一號

閑事莫理係岩, 係咪就因為長期咁既因素之下縱大左尼類賊匪尼？

superman88

引用:

Originally posted by newbie at 2007-10-9 00:02:
見得閒，就上去救國啦，未救國，先行街，行到深南中路近駿園酒店的行車天橋底，見到有一對情侶q 住手行，後面有個約30歲的男人鬼鬼鼠鼠烏低身跟響兩個人的中間，佢地係迎面而來的，當經過時我就見到後面個男人原來 ...

見到要走開 ,
唔系好易比人做低你 .

引用:

Originally posted by honghong238 at 2007-10-9 00:12:
一定出聲,隨機應變,如果唔係,可能下一個係你或你親友.

你知唔知嗰班人無人性 ,
附近一定有四五人同党 ,
你一出聲 , 死得 .

引用:

Originally posted by newbie at 2007-10-9 00:26:
成日都聽到上面好多扒手，聽就聽得多，今次都係第一次親眼見到。平時返大陸時已經好機警咁周圍望，見到呢單野之後就望得更加密，雙手不停護住電話同銀包，真係好驚下個係我

在香格里拉見過兩次 ,
賊人鬼鬼鼠鼠烏低身跟響兩個人後 ,
打開手袋 ,
賊人有四五人同党在左右 .