話說早幾日要到廣州公幹，做完嘢順便去泰康路（建材街）
諗住買個水龍頭返屋企用啦.....
一條友行行吓見到一班新疆人，打扮光鮮，好似嚟旅遊咁欵，
組合係：１個男人+ ３個全身黑色回教裝束嘅女人
+１個８歲左右嘅男仔，另外其中１個女人仲推住ｂｂ車添；
當時我仲諗：ｄ新疆人都幾有錢喎，成班人大大細細嚟旅行....
無幾耐，我見到嗰班新疆人從我後面經過再行喺我前面，談笑自若，
過咗約莫十多分鐘左右，我發覺背囊前面個細袋仔打開咗，
因為我通常都唔會放貴重嘢哬呢個袋仔度，所以當時就不以為意，
心諗係自己一時大意，唔記得拉埋拉鍊啩.....
如是者再行行行，行到一間舖頭問嘢，
點知個老細見到我，劈頭第一句就話：
” 你頭先俾成班新疆人扒你嘢呀；哩.....推住ｂｂ車嗰班呀，
成條街嘅人都睇到佢地一路跟住你，後來嗰條細路就一味
伸手入你背個細袋仔度係咁摷，你仲ON居居掛住睇嘢，
咩都唔知....我問佢點解當時無人喝止呢？
佢話呢度無人會咁做嫁，因為一來對自己無好處，
二來怕佢地第日返嚟尋仇，仲話大陸度度都係咁嫁喇....
以後自己小心ｄ啦，唔好諗住靠人幫你呀.....
就呢個經歷，我學曉咗：
１. 咩背嚢時要小心ｄ；貴重嘢要分開放，唔好放喺背嚢度；
２. 行街要再醒ｄ，小心扒手，尢其ｄ新疆人；
３. 喺大陸有事發生嘅時候，唔駛指意有人會幫你；睇嘢就大把人；
