食軟雪糕、雪糕、雪糕….天氣開始熱，不過都唔駛同人爭食雪糕啩?早幾日就發生咗一宗港媽同港男爭軟雪糕個案，引來網民熱議。
日前有網民投稿至FB專頁「生仔要考牌系列」，指有日去麥記買軟雪糕，正當輪到佢個等候編號時，突然有港媽帶同年約6、7歲�H小朋友「一手搶咗店員手上�H軟雪糕」，佢發現野蠻港媽個籌係157，而事主係139，仲差成廿個先到佢兩母子。
其後店員問港媽係咪139號，港媽辯稱「我個仔好肚餓，唔通由得佢咩！嗱，最多我咪依家畀番佢」，但樓主驚見「小朋友啲手指已經黏住開始溶化�H雪糕，好嘔心」，無奈之下只好「禮讓」小朋友。
點知港媽得寸進尺，一句對唔住都冇仲串事主「點知佢咁大個人都要學細路仔食軟雪糕啫」，店員見狀只好苦笑同事主講唔好意思，再擠另一杯雪糕畀佢，事主事後揶揄「港媽�H孩子唔餓得，原來大個咗就唔可以食軟雪糕」。
網民怒斥該名港媽「冇家教」、「唔應該有後代」、「打尖搶嘢仲聲大夾惡」、「超級怪獸老母」…亦有網民指事主唔應該太忍讓，「我寧願掉咗佢都唔俾，肚餓大晒?」、「畀我一定鬧到佢反艇」。
