星期二下午應承按肩女女去搵佢,前排佢回鄉攪到我日夜思念,冇法啦鬼叫我沉咗佢條船,
言歸正轉,點解咁激氣,當我沖完涼入大堂,愛人見到我立即上閣樓休息區搵我,
我就向佢傾訴相思之苦,可能太愛佢,所以佢點按我都覺得舒服,光陰似箭,
眨吓眼佢就替我做完兩個項目,跟住就落樓下餐廳食少少嘢,過咗約 5 mins,
想打電話比女女約佢收工吃飯,點知發覺電話唔見咗
,一定係跌咗喺休息區疏化,
即刻跑上去搵,但係乜都搵唔到
,領班幫我打手機no.,睇吓有冇跌咗喺邊度可以聽到,
但係手機已被關,
當時樓上只有兩個客,而且距離我先前個位好遠,
唔應該係佢哋攞咗
,問領班佢話冇見到客人走開座位,咁我話即係你哋執咗,
最後佢哋話可能我跌咗喺第二度,並強調他們的員工常常執到客人手機都會交到櫃台,
反正推得一乾二淨,後來我話要搜服務員身及他們的locker,部長話剛剛搜過冇發現,
而其中一個新來的男服務生未有locker,相信唔會係佢攞咗,我唔見電話時佢一直在樓上休息區,
後來我話要睇閉路電視,部長話佢上樓上check吓, 5 mins後落嚟話睇唔到,我話我要親自check,
點知上到去check我坐過個位淨係目前影到,之前佢話部機冇影到嗰邊,
講你都唔信啦
,
在我不停咁質詢下,佢個對講機接獲通知話服務生喺厠所門執到我部手機,大大聲話一定係我跌咗喺厠所,
我話如果跌咗喺厠所點解頭先打了幾次都冇開機？佢話厠所收唔到signal,咁我就去厠所test 吓,
點知又收得非常好,佢哋無言以對
,我就坐番埋位,約5 mins 後,部長話新來個服務生承認係佢攞咗,
我想可能佢怕我要追究及以為閉路電視可能影到佢所以招供,咁次好彩我堅持話係佢哋d人攞咗,
如果唔係一定又不了了之
