又將移民賴落下一代！有移英港媽日前發文大呻適應唔到英國生活，話當初為頭家為老公為小朋友焗住移民，但三年過去，得出的結論是「我唔會鍾呢個地方，我依然好掛住香港」，直言「冇小朋友�H話就算喺香港食樹皮，我都唔會嚟」。
該名移英港媽在社交平台發文抱怨英國生活，「移英三年，由頭一年幾乎日日以淚洗面，近乎抑鬱，超掛住屋企到第二年慢慢平復，以為會慢慢適應，到第三年，好多嘢settle down，開始有時間睇清楚呢個地方，結論係我唔會鍾呢個地方，我依然好掛住香港，好掛住日本」。港媽亦十分想念香港的美食，「唔使講其他，淨係講食嘢，已經令我唔想留喺度，呢度啲人對食冇要求，放得落口就得」。
移英港媽當初也不願移民，但為了老公為小朋友才妥協，「做乜仲留喺度？咪又係嗰啲原因，為咗小朋友，同時都為咗大人�H工作環境，諗返當初係高估咗自己�H適應能力，同埋呢幾年通脹得好緊要，冇諗過自己會咁窮，不過知道又點？兩面都係捱，當初老公好想嚟，我唔想嚟又點？離婚？總要有一面妥協，而家雖然自己辛苦，但見到小朋友開心，起碼都值得。」
移英港媽表示，不少人對英國充滿幻想，但實際上英國其實好差，「呢度唔係談上發展成熟，而根本係一個第三世界，非常落後�H國家」。她直言十分討厭英國，「重點唔係而家�H狀況，係人�H質素。你睇呢度�H人咩都求求其其，是是但但，唔會視投訴為一種改善自己服務表現�H工具，嗰種不思進取。仲有福利主義，歧視懲罰正常同交稅嗰班人。」
然而，為咗下一代，移英港媽惟有死頂下去，「只係我哋呢啲有小朋友�H，呢度�H成長環境依然比香港好先焗住留喺度，我都唔稀罕個BC，只係如果我唔BC小朋友就冇得BC。」她直言「冇小朋友�H話就算喺香港食樹皮我都唔會嚟」。
移英港媽決定一解鄉愁，「我細嗰個先得六歲，返親去(香港)都要旺季貴都嘔，不過嚟緊我都唔理了，自己會淡季返去香港一轉，我唔開心喺啲仔女面前喊，搞到成家都唔開仲衰，我先要顧好自己�H心理健康先」。
https://www.dotdotnews.com/a/202505/05/AP68183229e4b0e343b0e9046d.html
