英國推出的所謂BNO計劃，拆散了不少家庭，皆因不少家庭需丈夫留港賺錢，供養移民的妻兒，夫婦長期分隔兩地，最後搞到離婚收場。近日有一名港媽在網上發文，話打算同女兒先行申請BNO Visa到英國生活，丈夫則留港6年後才動身。有網民留言慨嘆「九七前太空人悲劇重演！」
該名港媽在fb一個移民討論群組發文求教申請簽證的問題，當中提到「我同丈夫各人都有BNO，我打算同個女先行申請BNO Visa開始英國新生活和小朋友上學，丈夫會留港6年，之後先過來英國。」
令人想起八九十年代移民潮，有好多呢啲「太空人」家庭最後都係離婚收場。有網民直言「老公留港六年，識咗第二個女仔啦」、「六年後個老公想唔想走又係另一件事，分居六年都係預咗離婚啦」，奉勸港媽要三思而行。
https://www.dotdotnews.com/a/202305/23/AP646c82bee4b08eeabfd41c82.html
