連鎖日本意式餐廳「薩莉亞」（Saizeriya）爆衝突，有港女投訴昨日（11日）在深水埗分店內透過手機落單時，「畫面突然白屏」，她其後按鍵送出訂單，發現重覆落單，她即時向店長要求取消，但被拒絕，「（佢）話唔食都要畀（錢）！」
該店長更叫她報警，女事主又投訴要求店長給她打包，但「完全唔理會我」，最後要警員幫忙問店員取外賣盒。
《星島頭條》記者正就事件向薩莉亞查詢回應，至於涉事分店的女店長回覆記者說：「呢個應該搵返公司喎，因為我哋做嘢，都係跟返公司程序指引去做，我唔方便回答你所有�H問題，你等我請示吓我�H上司好唔好。」隨即掛線。
涉事薩莉亞分店位於深水埗西九龍中心4樓，女事主昨日（11日）分別在社交平台Threads及Facebook發帖，投訴她一行三人昨日（11日）到該店午膳，遇到的不愉快經歷。
女事主表示，當時她用手機落單，畫面突然白屏，「手機並無顯示有訂單存在，到我按下送出訂單時，手機有句『多謝再次訂單』字句」，女事主意識到可能重覆落單。
手機落單畫面突然白屏
她即時找職員查問，果然「職員說有兩張單」，女事主向職員表示剛才「畫面白屏」情況，要求取消其中一張單。
職員去問店長，店長其後出現，「店長走嚟話唔可以取消，因為當時連第一張單既食物，都未上檯，我跟她嘈咗兩句，個店長叫我報警。」
投訴遭店長漠視：「連外賣盒都係警察哥哥叫職員拎畀我哋」
女事主在帖文指，該女店長「話無得取消（取消）唔到，態度惡劣，話唔食都要畀（錢）」。
女事主隨即向該女店長提出，希望「第二張單可以打包外賣」，結果「（店長）完全唔理會我，繼而即時把兩張單既餐全部堆在枱上」。
她表示：「後來再叫職員無人理我哋，我只好報警處理。」警員其後到場，「連外填(賣)盒都係警察哥哥叫職員拎畀我哋」，「最後警察教影晒相報消委會。」女事主顯示單據，最後埋單金額為375元。
稱店長否認系統有問題：「佢話佢哋無問題，問題在我」
有網民追問事件中餐廳的訂餐系統是否「有bug」，女事主回覆稱，當時店長認為訂餐系統無問題：「佢話佢哋無問題，問題在我，所以要硬食兩個餐，佢真係咁同我講。」
警方發言人回覆《星島頭條》表示，一名59歲女子昨日（11日）下午五時左右報案，指在西九龍中心的薩莉亞餐廳，因落單問題和店員有糾紛。警員到場後，報案人稱因重覆落訂，叫店內經理取消不果故報案，警員嘗試調停但未能成功，報案人稱會向消委會投訴，事件列作糾紛處理。
涉事分店男店員：睇情況辦事
《星島頭條》致電涉事薩莉亞餐廳，該店一名男店員表示，他昨日（11日）不在該店不清楚事件。
就該店落單及取消的程序，他解釋：「睇情況，如同事幫個客落多咗，我哋會幫個客取消，因為係我哋同事�H問題。」
但是若顧客自己透過手機落單，重覆落單會否取消則要「睇情況辦事」，他說：「如果係個客係手機㩒多咗，我哋會了解，先至睇會唔會幫佢取消。」
該店員又表示：「睇情況辦事，公司有講過，如果係做咗，好難幫佢取消到。」記者問是否該店的訂餐系統好難由店員幫顧客取消，該店員表示：「你可以咁講。」
涉事女店長：都係跟返公司程序指引起做
記者聯絡到涉事分店的女店長，她回應說：「呢個應該搵返公司喎，因為我哋做嘢，都係跟返公司程序指引起做，我唔方便回答你所有�H問題，你等我請示吓我�H上司好唔好。」隨即掛線。
網民反應兩極 有人表示諒解：事實上呢個係系統問題
帖文引發熱烈迴響，反應兩極，部份網民認為顧客已即時通知重覆落單，「未食過，未上枱，應該唔使畀錢。」「就算取消唔到，態度唔應該咁差。」「佢系統取消唔到，係佢系統同店家問題，唔係客人問題，叫人硬食笑死。」
不過，部份網民則表示體諒員工，他們指出：「薩莉亞落單前，係有寫確認訂單後不能更改，事實上呢個係系統問題，用手機落單，職員喺佢哋系統都改唔到單，只有人手落單佢哋先改到單。」「我都試過有類似情況，好彩嗌得好少，冇辦法。」
https://std.stheadline.com/realtime/article/2068530/%E5%8D%B3%E6%99%82-%E6%B8%AF%E8%81%9E-%E9%80%A3%E9%8E%96%E6%97%A5%E6%9C%AC%E9%A4%90%E5%BB%B3-%E8%96%A9%E8%8E%89%E4%BA%9E-%E7%88%86%E8%A1%9D%E7%AA%81-%E6%B8%AF%E5%A5%B3%E9%87%8D%E8%A6%86%E8%90%BD%E5%96%AE%E5%BA%97%E9%95%B7%E6%8B%92%E6%92%A4%E9%8A%B7%E5%8F%8D%E5%8F%AB%E5%A0%B1%E8%AD%A6-%E4%BD%A2%E8%A9%B1%E5%94%94%E9%A3%9F%E9%83%BD%E8%A6%81%E7%95%80%E9%8C%A2-%E6%B6%89%E4%BA%8B%E5%BA%97%E9%95%B7%E5%92%81%E5%9B%9E%E6%87%89%E8%A8%98%E8%80%85-Juicy%E5%8F%AE
