嘆下午茶是港人至愛，但近日有網民稱到粉嶺某茶餐廳食下午茶時遇到不快經歷，件豬扒包上枱時不但好細件，而且焗燶了，外皮黑曬，向店員反映時，對方竟然話「自己搣走佢」！
該食客在Facebook群組「飲食黑店大全（全港食店質素/價錢/服務關注組）」貼文投訴，指日前到粉嶺某茶餐廳食下午茶時，叫了一件豬扒飽及一杯熱奶茶，售價32元。但件豬扒包除了尺寸有問題外，麵包的部份似乎被焗燶了，外皮黑曬，而餡料中的洋蔥絲也是黑色的。雖然他覺得「個包已經細件，下午茶無乜所謂」但是麵包因為太燶實在無法入口，於是向女店員反映，怎料對方沒有理會，更叫樓主「自己搣走佢」。
樓主當下不想與店員理論，於是聽她的建議自行將焗燶的部份撕掉，但是吃了兩口，又「發現半件豬扒係肥膏同骨」，令他非常無奈。最終他只了兩口就離去，並解釋「無同佢爭論，（店員）明顯打工話唔到事，同埋我唔想浪費食物，但唔會再去」
樓主認為茶餐廳老闆不應因件豬扒包而得失個客，因為「做茶記最緊要有街坊客」。每個街坊都有家庭及所認識的街坊，「上埋網就隨時過百個客」。所以雖然「成個餐$32，換咗都係蝕$32」，但如果令街坊失望，蝕的何止這個數，而是更多生意。
帖文一出，很多網民都替樓主不忿「個包乾到成舊石頭咁」、「咁燶好硬」，更有網民講笑「我以為係廚餘」、「阿姐誤會你叫�H係『脆豬黑炭包』」。
亦有網民認為女店員態度好有問題，餐廳處理此事的手法不妥，「一聽呢句我個人應該已經會噴火」、「個呀姐都痴X線」、「咁樣出俾個客都神奇」、「咁樣回覆個客更神奇」、「你又真係搣嗰下好笑！X佢跟手唔食走人啦」。
https://www.bastillepost.com/hongkong/article/13800319-%e4%b8%8b%e5%8d%88%e8%8c%b6%e9%a3%9f%e5%88%b0%e7%84%97%e7%87%b6%e8%b1%ac%e6%89%92%e5%8c%85%e8%a6%81%e6%b1%82%e6%9b%b4%e6%8f%9b-%e8%8c%b6%e9%a4%90%e5%bb%b3%e5%a5%b3%e5%ba%97%e5%93%a1%e7%ab%9f%e5%92%81
