撞正公安查房
前晚星期五有長假期就梗係上去SZ
上到去即時去某間酒店攞定房
再搵我個女友食個靚飯
諗住今晚早d返酒店sweet一番
點知女友話今晚佢個frd有病要去探佢
探完佢後先返酒店搵我 無奈~
唯有匆匆同佢食完個飯自己上房睇電視先
返到房沖完涼就攤0係床度睇法政先鋒
無啦啦有人拍房門話公安查房
嘩~聽就聽得多 唔係咁橋我撞正
開門見到有個酒店服務員跟尾
成三個大男人衝入房
帶頭有個平頭裝運動服飾男人
問:「你邊度人」「…」
再問「你邊度人」「香港人」
「麻煩証件」咁我就返床頭攞證件
咁平頭男就四圍昅 望下廁所 望下垃圾桶
無發現就繼續盤我
「上0黎做乜0野」「玩」
突然有個大件頭肥佬走出0黎
又問「上0黎做乜0野」又答「玩」
個肥佬怪叫「這房間很熱」又走翻出去
我有少少感冒 無開冷氣
之後佢0地無乜收獲 走人
留低兩個跟班 話要幫我驗尿
心諗「小!有無搞錯」
遞個膠杯過0黎 夾我去廁所
準備關門之際 畀人一手攔住「不可關門」
翻翻白眼 好彩無監視住我放水
企咗三分鐘 極度壓力下撒下一小泡
試紙結果全部negative
收工走人 又聽到另一邊走廊傳來拍門聲
即刻打去前台 先出口烏氣
前台服務員稱事出突然
唉~ 費時講 收線繼續睇電視
