巿民食炸雞竟踩屎受傷！64歲家庭主婦袁女士閒時炒股，上周三(14日)她相約2名女友人到銅鑼灣證券行睇股巿，下午4時許收巿後三人行到灣仔港灣道新鴻基中心2樓肯德基快餐店食炸雞，傾股經交流心得。3人逗留至傍晚6時10分離去。袁女士稱當時行到距離大門7至8呎範圍，突然腳下一滑跌倒在地，同時右背直撞高櫈，背部近腋下位置隱隱作痛。她初時以為腳下踩中雪糕跌倒，但仔細一看見到左邊大腿及鞋底沾滿黃色污物，且有陣陣惡臭攻鼻，才知踩中糞便：「我以為踩中雪糕球，但嘩咁臭，我有養狗，感到唔係狗屎嚟喎，先知領嘢。」 當時餐廳經理遞上濕紙巾讓她清潔及慰問傷勢，但經理未有報警。最後她自行報警求助，由救護車送往敦律治醫院。她稱，經X光檢查後證實沒有骨折，十分好彩，但右邊背脊有瘀傷，當晚出院後回家休息了兩日才能外出。袁婦最為不滿的是，餐廳經理至今未能解釋為何食肆內會出現糞便，她要求翻看閉路電視，但經理聲稱閉路電視當時未有拍攝事發現場的畫面，她要求店方交待，並揚言不再幫襯肯德基。「咁大條通道有灘屎點會無人知？當日沖咗成個鐘頭，依家仲諗起嗰陣味。」香港肯德基回應對於早前在新鴻基中心分店一名女仕發生意外滑倒之事宜表示高度關注，並已向該名女仕致以慰問並提供協助。發言人稱將繼續致力爲客戶提供最優質的服務及食物。
