港女旺角食雞蛋仔遭路人突襲偷食
近日一位港女在Threads上發帖，表示在旺角街頭遭陌生男子偷食雞蛋仔，大喊「咁黐線�H嘢發生喺我身上」。港女買完雞蛋仔後正等待綠燈準備過馬路，忽然旁邊剎出一位陌生男子向她表示「好想試一粒」，並伸手向女事主手中的雞蛋仔，搣走了最頂的一粒雞蛋仔！
陌生男搣走1粒雞蛋仔後跑走
這位操普通話的陌生男子搣走咗一粒雞蛋仔之後拔腿就跑，女事主當下被陌生男的舉動嚇呆「完全俾唔到反應」，直到她過了對面馬路才回過神來，她更直言「點解成日都有啲咁黐線�H嘢發生喺我身上」。
有網民同遭「雞蛋仔神偷」偷食雞蛋仔？
當以為一位港女遭遇此事已經夠離奇時，竟有網民留言表示在同一個地方同樣遭「雞蛋仔神偷」偷走1粒雞蛋仔？該位網民留言「真事，佢搶完你一粒過咗馬路再搶埋我一粒」，並附上一張相片，可見這底雞蛋仔同樣少了最頂1粒。疑是同一位「雞蛋仔神偷」出現在旺角街頭「犯案」！有網民笑言「佢成條街搶哂咪可以有一份完整雞蛋仔？」、「再偷多18粒就一底了」。
網民：唔止要小心財物仲要保護埋雞蛋仔
帖子引起大批網民紛紛熱議，有網民留言擔心衞生問題「有潔癖表示雖然佢隻手未必直接掂到剩餘部份，但已經成餅唔想食」、「佢隻手乾唔乾淨㗎」；亦有網民搞笑指「其實每次見到有人拎住雞蛋仔，我都想行過去搣一粒食」、「有時去睇戲都想問人可摸耳比我食一粒爆谷」，即睇其他網民點講！
https://hk.ulifestyle.com.hk/topic/detail/20054406/%E6%B8%AF%E5%A5%B3%E6%97%BA%E8%A7%92%E9%A3%9F%E9%9B%9E%E8%9B%8B%E4%BB%94%E9%81%AD%E8%B7%AF%E4%BA%BA%E7%AA%81%E8%A5%B2%E5%81%B7%E9%A3%9F-%E6%90%A3%E8%B5%B0-%E7%B2%92%E9%9B%9E%E8%9B%8B%E4%BB%94%E5%BE%8C%E8%B7%91%E8%B5%B0%E5%9A%87%E7%AA%92%E6%B8%AF%E5%A5%B3-%E5%91%86%E5%92%97
