|
高級骨精皇
- 帖子
- 9892
- 精華
- 7
- 積分
- 17262
- 閱讀權限
- 140
- 註冊時間
- 2014-4-17
- 最後登錄
- 2026-8-18
|
1#
大 中
小 發表於 2020-10-3 05:11 顯示全部帖子
Lunch哥性騷擾女「手足」認傳露械照：普通傾偈
狡辯稱係「溝女」「你情我願」 「同路人」質疑性騷擾女「手足」
靠「和你lunch」出位�H中學生「Lunch仔」李國永自己都有唔少是非，近排網上流出佢�H露械照，有「同路人」就質疑佢性騷擾女「手足」，佢就自爆確實有傳呢啲相畀人，但就覺得呢啲係「溝女」，而都係「未出嚟抗爭」之前�H事，又形容自己只係「普通傾偈」，「當時大家都係你情我願�H，只係諗唔到依（𠵱）家紅左（咗）之後比（俾）人拎返出嚟做（捉）我痛腳。」呢種口吻，真係唔講都唔知佢只係啱啱成年。■香港文匯報記者 鄭治祖
喺黑暴期間靠非法集結「和你lunch」攞「光環」�H「Lunch仔」已深諳博出鏡套路，之後開始喺多區搞「和你睇蘋果」、「和你睇風景」，好多媒體報道，成個「黃圈」新星咁。
fb專頁簡介稱單身17年
不過，「Lunch仔」重視「抗爭」定「溝女」多啲，真係難講。事關佢個facebook專頁「Lunch哥的抗爭生涯」喺簡介度話「我單身一個單身左（咗）17年�H真香港人」、「最後希望可以係（喺）煲底同妳相遇」，真係話呢個專頁改名做「交友生涯」都唔過分。「Lunch仔」接受網媒訪問時就聲稱自己對感情事「順其自然」，又稱「感情事唔應同『抗爭』扯上關係」喎。
被「同路人」兜口兜面指罵
說話係咁講，但事實又係點？有「同路人」就指控「Lunch仔」性騷擾女「手足」。近排網上流傳出「Lunch仔」�H露械照，上月26日喺沙田新城市廣場�H「和你Lunch」期間，仲有黑衣「同路人」兜口兜面指罵「Lunch仔」，話到佢「性騷擾女『手足』」。
「Lunch仔」其後亦公開承認自己有向人發露械照，但就話係自己未出嚟「抗爭」之前「係有係（喺）Tinder同成人谷溝女」，「只係紅左（咗）之後先停」，仲辯稱「當時大家都係你情我願�H」「只係諗唔到依（𠵱）家紅左（咗）之後比（俾）人拎返出嚟做（捉）我痛腳。」
被人喺facebook問「有無做過賤格野（嘢）」時，佢聲稱︰「無，只係普通傾下計（偈）。」原來傳露械照都係「普通傾偈」，睇嚟「Lunch仔」�H底線都幾低吓。
雖然有睇唔過眼�H「同路人」覺得唔應該包容「Lunch仔」呢啲傳下體照畀女「手足」�H性騷擾行為，但竟然都有唔少「黃絲」話呢啲「好正常」：「幾驚你話你唔『溝女』呀」、「你私生活同我無關，我只系（係）着眼於你對『運動』�H『熱誠』」。
煽「投考」「抗爭團隊」
得到唔少「黃絲」盲撐，「Lunch仔」亦進一步抱團取暖，噚日佢就公布自己�H「造星大計」，煽動人「投考」「Lunch仔星級抗爭團隊」，佢話個團隊�H宗旨係「和平理性非暴力」，「投考」�H人要同意宗旨，又要「對香港社會�H未來充滿期望及並想為社會運動出一分力」喎。而「投考報名」�H第一個問題就係「對lunch仔（David）有咩睇法」。雖然佢冇講明係咪男女都同等對待，但以佢「往績」嚟講，似乎女仔都係小心啲好。
http://paper.wenweipo.com/2020/10/03/HK2010030010.htm
|
