【on.cc東網專訊】不少人消費後，都會照單畀錢，「對單」未必人人習慣。有網民發文，指日前到粉嶺一間酒樓飲早茶後，「手痕加一加」，發現收據的點心價錢與列明的總數不符，差價6.8港元，網民紛紛以「黑店」形容該酒樓。東網向當日負責收錢的主管查詢，對方解釋是電腦出錯，已即時向茶客解釋，客人在同意後才以現金付款。
昨日（5日）早上10時許，網民Hung E Yiu與家人到粉嶺一間屋邨酒樓飲早茶。當埋單時，「手痕加一加，點知加極都唔啱數」，故將收據放上「North District 北區」，希望有望一眾網民評理，更認為雖是多收的費用是小數目，「但如果每枱收多啲，都幾和味」。
收據上點心費顯示是189港元，加上19港元服務費，合共208港元，不過只要逐一計算，發現總數應是201.2港元，相差6.8港元。不少網民看畢收據後，嘗試自行計算價錢。惟大家所得出的答案均不一樣，更有人把點心的個別價格先「四捨五入」，結果「都冇咁多」、「喂，真係搵笨喎！邊有$189」。也有曾到該酒樓的街坊留言聲稱，曾目睹收銀員不時與茶客因「對單」問題嘈交。
記者向涉事的酒樓蘇姓女主管查詢，她指當日是由她處理埋單：「係電腦出錯，佢張單上面出唔到一碗6個8（港元）�H皮蛋瘦肉粥，佢哋嗌咗�H。」蘇又聲稱已即時向茶客解釋，對方在清楚事件下以現金支付茶錢，不明白為何會再將收據放上網。她指「埋單時我哋都會畀客人對一對點心啱唔啱，先再埋單。我哋公司唔係刻意濫收費用。」
