天氣好咗少少, 冇落雨又唔係太熱, 一條友閒來無事週街逛, 經過一間足仔鋪見對腳有少少攰攰地, 橫掂都係入去按腳底, 本來正正常常, 坐低等輪牌師傅按腳, 一落手就不停問我做幾多part？我明白要搵食, 但係功力未知如何前提下公式化回答按住先, 轉頭話佢知可能會兩part, 清清楚楚問嗰位師傅本身係咪有客booking, 或者要就時間, 甚至其他原因, 隨時可以換人我冇所謂, 左右兩邊望當時全場得我一個客
但係師傅話冇！跟住又係不停追問做幾多part？兜兜轉轉過左大約十分鐘左右, 憑個人經驗無論係力度同穴位, 可以講完全唔多掂
.gif)
所以我當時冇諗住呢個師傅會加鐘, 已經想定按一part就換人, 下一個如果ok�H就按兩part, 原先想就係噉想！按多幾分鐘之後開始有面色睇, 細細聲自言自語, 感覺好似俾說話你聽咁樣
漸漸開始冇力冇心機求求其其, 按來按去都係同一個位, 其實大家心態等時間過等夠鐘
好唔容易到夠鐘, 係唔係真係夠鐘我唔知, 總之就係起身走咗去！亦冇人埋嚟問我係咪需要換個師傅？需唔需要按身？或者而家埋單？見到店內咁�H服務文化, 我自己感覺再逗留都冇乜意思, 上次就算換過另外一個都唔方好得去邊！起身直接埋單走人！
