masion

踏入農曆7月，鬼節到，大家又開始留意鬼屋了。講起日本鬼屋，大家可能會記起富士急的恐怖醫院，不過最恐怖嘅鬼屋，應該係平時就係大家身邊嘅地方，講緊嘅係日本川崎市呢一棟電腦廣場大廈，竟然係照住當年九龍城寨貧民區建造，無論大樓外形同裝潢，都充滿古舊香港特色，大量中文字加上破爛嘅招牌，非常恐怖，連當地的日本人都話絕唔會入去。從大門入去後，九龍城寨的店舖、住宅、燒味檔、士多等一一重現眼前，四周破爛非常、燈光昏暗，烏煙瘴氣，兩層的建築內盡是清一色的死物，沒有人扮的鬼，沒有工作人員，只是種種陰森令人覺得頸背陣陣涼！大樓其實只是其中兩層是鬼屋，其他層樓則為正常的遊樂設施和咖啡店等。負責人就話，日本人對於中國式的舊建築有一陣恐怖感，所以先用上香港特色設計。香港人對於呢度，應該份外有感，7月流流，你又敢唔敢去先？

地址：日本神奈川縣川崎市日進町