成個佔中運動，學民基本上屬於抽水性質，黃之鋒雖然話登上《時代》封面人物，仲俾《時代》評為「最具影響力少年」！一時間彩頭攞盡。但細路始終係細路，而且仲係一個有書寫障礙同思覺失調嘅細路，雖然夠沖夠搏，但講玩政治遊戲，點同學聯班大學生玩吖，更加唔好講泛民班大佬嘞。
佔領運動越搞越長，學生嘅行動越來越受到質疑，學民凈係靠黃之鋒有勇無謀，影響力不斷減弱，而學聯周永康就不時拋出方案和議題，同黃之鋒高下立見，而學聯亦因此獲得同政府對話嘅機會，而學民就乜都無。聽講黃之鋒因此而十分之激氣，誓言要重奪彩頭！
不過，黃之鋒頭頂嘅光環經已淡晒嘞，佔中義工阿娟前幾日又爆料，近排黃之鋒召集學民開會基本都係流會。而阿娟仲話，學民嘅號召力江河日下，金鐘，旺角，銅鑼灣，學聯都有人去hold場，搞物資同輪更，學民呢？現場人手五隻手指數有凸。金鐘現場有人話：黃之鋒，一支公，專責同其他組織開會同埋開咪。Joshua 自己都寫短訊俾人，話好冇面擔心好快金鐘變成「學聯包場」。
