替更王

一手講運，二手難撈，全港約3.68萬名代理，上月僅5,197宗成交，平均7人爭一單，不想餓死的代理另謀他就，且聽一名做了十年地產代理「區頭」的阿文(化名)道出由地產轉行賣吸塵機的理由。

阿文是四大行之一新界某區區域董事，行內稱「區頭」，數月前主動致電記者，誤以為有料爆，卻原來已辭職，轉行賣吸塵機，他無奈道：「做經紀兩條水，一手、二手，以前一手樓，我哋同發展商打交道，有關係，有貨派，但今日，一手新例後，唔再需要我哋呢啲人，所有新盤轉哂玩入飛和抽籤，有時就算有客都無用，抽唔到就抽唔到，純粹講運。」

他續稱，二手更加不用多說，一手平過二手，要說服買家買二手難過買一手，而且二手業主早年買落，享盡低息，沒有劈價的理由，就算賣不出，租金仍然有支持，令到二手也同樣無得做。他坦言，靠把口搵食多年，惟繼續營銷，賣吸塵機若賣不來就賣其他吧！另一名在細行打滾多年的代理自從成交萎縮後，已兼賣門鎖，每逢帶客睇樓，無論幫襯與否，都會硬銷電子門鎖，試圖賺不到賣樓佣金，也想賣其他貨品分一杯羹。