【612人道支援基金】河童爆入獄前被「人權律師」追30萬
「612人道支援基金」近日話推「第二位大律師」計劃，但成班所謂「義務律師」就俾唔少「手足」鬧爆掠水。前「香港眾志」秘書長黃之鋒（河童）前日就喺facebook以「有關我點睇612基金同埋『人權律師』」為題發帖，兼幫「612基金」解畫，仲此地無銀咁話「可能大家覺得我處處維護基金」。不過，河童話佢自己都試過俾律師行追收30萬律師費，仲要喺「坐監前一晚叫我搵人籌錢」，但又死撐話係「『人權律師』當中樹大難免有枯枝」喎。難怪有「手足」睇完都覺得：「大壯 （狀） 黨發過豬頭，成個『（黑暴）運動』佢哋最著（着）數。」
河童前日自爆當年俾「人權律師」追數�H遭遇：「我試過俾律師行追收30萬律師費。2017年8月16日，於上庭及坐監前一晚，我就俾韋智達律師call去律師樓，同我講話要我比（畀）六位數字律師費，我話果（嗰）時羅冠聰被DQ無耐，『眾志』幾個坐監兼十幾人一齊失業，真係搞唔掂。啊，呢個人權事務律師行老細當時就話我好出名，所以竟然坐監前一晚叫我搵人籌錢，我心諗聽日都坐監又唔知坐幾耐你仲好意思提；當時佢仲在會議室點埋名，提議我叫余若薇捐錢比（畀）我......我去到2018年坐完監出來......律師樓仲去信要我還錢，金額係30萬律師費。」
網民：大狀黨發過豬頭
有網民就話終於明白點解咁多攬炒派狀棍盲撐黑暴。「高俊」話：「怪不得公民黨咁積極，成塲（場）反修例，肥×哂（晒）啲律師，塘水滾塘魚，自己眾籌，自己落袋，所以楊岳橋講得啱，『案底令人生更精彩』，唔係點推班儍仔出嚟衝。」「Mallie To」就話：「（捐款）咪入曬（晒）去公民袋囉！」「Bang Chen」都話：「大壯（狀）黨發過豬頭，成個『（黑暴）運動』佢哋最著（着）數。」
有「手足」就擔心，出名眾籌多�H河童都要俾律師樓追數幾年，一般「手足」咪仲慘。「Sam Lee」就問：「點解『612（基金）』唔cover『手足』claim唔足法援之後條數？之鋒都尚且無力支付，咁當『手足』攞住張30萬�H單，佢究竟有幾徬徨？可以點做？點算？」
唉！早知今日，何必當初！
