立法會上月通過修改《議事規則》後，民主派會議召集人莫乃光曾揚言要百倍奉還，結果喺尋日(10日)�H立法會大會變咗撼頭埋牆，泛民明知唔夠人都照交呈請書，似乎想營造氣氛話比公眾知「嗱！都話咗畀人閹咗㗎喇！」睇吓社會有乜嘢反應，試吓水溫，點知公眾係零反應。輿論慘淡，泛民都唔敢隨便點算法定人數，有泛民中人話點敢亂打鐘，一陣流會再續會，顯示到修改�H好處就弊傢伙喇！換言之，泛民已被嚇窒咗，唔敢亂闖關驚捉蟲，直情變咗驚弓之鳥嘞！
話說尋日�H會議有約10次點算法定人數，大部分都係由人民力量�H陳志全提出，間中有毛孟靜同朱凱廸幫拖，其中一次要去到14分30多秒先夠人，差少少就流會。有泛民中人話，依家比建制派更加驚會流會，差1個人就流會嗰刻真係諗緊好唔好入去，入與唔入都係兩難。
點解？泛民中人就解釋，始終係修改《議事規則》後首次，點樣流、乜嘢情況流、乜嘢人令到個會流，都係要諗過度過，唔係按新《議事規則》，主席可以宣布流會後又再續會，咁就變相助攻建制，顯示修改�H好處。所以佢話呢個咁重要�H時刻，點樣去做要整個泛民去討論。
被譽為另一戰場�H財務委員會，將會討論修訂委員會同其轄下人事編制小組、工務小組�H會議程序，進一步打擊拉布。另有泛民中人話呢個戰場無得打，只要過半數人支持就改到，建制派唔會唔夠人改，只好冀望吓會唔會有甩轆。佢又話最絕都係如果項目喺工務或人事編制小組獲得通過，喺財會再討論就要得小組議員同意，咁咪即係綑綁要人投票唔畀講？
泛民未來方向會喺點？暫時都無泛民政黨可以答得到，但有人就話經過修改《議事規則》、6人被褫奪立法會議員資格後，泛民各板塊之間多咗體諒。前路未明，泛民個個都變成驚弓之鳥，正所謂「敵不動，我不動」，邊個郁親都係牽一髮而動全身，都係企埋一邊等「出頭鳥」安全啲，費事捉蟲變罪人嘞！
新聞來源連結:
http://hk.on.cc/hk/bkn/cnt/news/20180111/bkn-20180111223358321-0111_00822_001.html
