深圳羅湖皇家貴族國際會所--正黑店
轉貼
話說小弟上兩個星期日因為有事要上大陸，成班同事完成公司任務之後就去呢間野按摩，不過唔好心邪，全程都係好正經，中式按90分鐘都係98，加上有人有優惠券68，加埋貼士30都係98，抵玩，加上個場既裝修各樣都好四正，於是大家都好愉快咁離開。
到上個星期，一班舊同事一行六人，但係除左我之外其餘五名都係女士，話要上大陸食野、買野同按摩，於是我就請櫻話去皇家貴族國際會所，當日大家飲完茶之後就去，去到各位女士見到個場咁正都好開心。呢個時候大堂有個經理走埋黎sell入會，最少要1000蚊，但會送好多coupon，咁我地經已好小心，問左好多次，而且唔止問一個經理，佢地話：你地上房前入會，都埋單既時候，就即日就可以用果1000蚊會籍費，而所有coupon都可以即時用。
咁各位貪靚既女士即時好仔細咁計，個個做一個鐘腳底加兩個鐘香薰推拿，咦，埋計要千幾喎，有著數，好入會，於是各自出錢，儲夠一千蚊即時入會啦。上到去個香薰房，各位姊妹都有讚冇彈，D技師手法又好，於是六條友計埋計埋一共簽左成300蚊貼士。
到最後大家係大堂等埋單，大家都好開心，而我都以為我冇介紹錯，大家都興高采烈話：呢度咁近火車站又咁正，不如多D上黎玩之際，問題就出現….
佢地首先話張1000蚊會員咭唔可以開咭後同一日使用，於是我地話叫頭先個經理出黎傾，佢地就話佢放左工，咁呢個係你公司問題，關我叉事呀，而且我地身上真係冇咁多CASH埋單。玩左一輪，佢地再話會員咭可以用，但只可用900，我都經已火火地，你老味，一時話咁一時話咁，我就好燃火咁同佢地講：小費都300啦，你唔係咁撚同我地計呀，咁一係咁啦，小費我地一個仙都唔俾囉，果條七頭經理總低能：
小費係你地玩得開心自己俾架嘛。
我：咁我地而家玩得好唔開心，所以唔想俾。而我地而同消費左1260，你一舊水都同我計，你冇病呀。
最後我地放底三舊水，加埋果1000會員費，共1300就走，40都唔洗佢找，加埋係更衣室小費，可以都成1500蚊。
不過原來好戲都仲在後頭：我拉隊走人，出左門後之際，佢地搵三個保安追出黎，個樣仲要好撚串同好撚樣衰果D人兇狗我地，其中一個用個心口頂埋我度，之後話：你地好似未埋單喎，返入去傾清楚先好走。我心諗：契弟就返入去傾，有乜就係度傾啦，我D朋友都經已發曬爛渣，有D又好怕會有事發生被人打，之後我就話：錢呢，我就冇，咁不如你地報公安啦，等公安黎拉我返去囉。我心諗你個場冇邪骨就打死都唔信，於是佢地其中一個面色都變埋，用對講機CALL返去，之後同我地講唔好意思，搞錯左，冇埋單唔係我地，叫我地可以走。
各位師兄及打算上大陸按摩既姊妹，小心小心呢間黑店，個案千真萬確，絕冇水份。
黑店地步：深圳羅湖區和平路船步街港逸豪庭(漁民村旁)
