我識有個大陸朋友,
佢老婆因為同個工程判頭有錢銀瓜葛,
對方報案,
結果KO捉左我朋友個老婆去拘留所,
KO會用好多方法,
引個犯認罪,
例如叫我朋友去,
問一大堆相關問題,
又話你係佢老公冇理由唔知情,
又話其實你老婆都已經認左罪,
我朋友係都話唔知情,
整個過程有錄影,
之後叫佢走,
過程尚算友善,
過後我朋友聽人講,
班KO應該會將佢呢段錄影俾佢老婆睇,
但唔會播聲,
然後呃佢老婆話你老公已經講哂,
引佢坦白從寬.
之後佢老婆被判侵吞罪,要坐3年幾,
我朋友問律師可唔可以上訴?
律師話只有佢老婆本人先可以提上訴,
單案未完結之前,
做老公既都唔可以入拘留所見老婆,
即係唔俾機會你兩公婆相量上唔上訴.
喺大陸,
冇人權可言,
只要俾KO拉到,
佢地一定做你,
而且仲會用好多方法引你自己認罪,
所以佢地既破案率可能係全世界最高既執法人員,
除非你有高級官員保到你,
否則唔好咁天真,
以為俾錢就一定搞得掂.
