兩名女子早前在元朗街頭懷疑給路人派金色的「觀音牌」後開口要錢，有街坊在facebook群組「盡在元朗」以「元朗真係咩嘢都有」為題上載相片揭露事件。
帖文於8月2日早上發出，指「呢個綠色衫女人帶住一個藍色衫�H女人，然後送個觀音牌畀你話你知呢個係大師，你接咗個牌之後叫你畀$20大師......你話無錢佢即刻收返個牌」。
網民爆料：也有男的 茶樓食肆出沒
相片中，行人路兩旁皆有路人，「大師黨」兩名女子均戴帽，綠衣女穿綠黑花紋連身裙，揹斜揹袋，雙手曲放於胸前；望向橋邊的藍衣女緊隨其後而行，似乎在尋找目標。
對於「大師黨」在元朗出沒被街坊抓包，網民直斥相中兩人為「騙子」，另有街坊爆料指「也有男的，經常在茶樓食肆等出沒」。網民更分享相類似經歷，留言大爆行蹤，稱「我今日都遇到，我睬佢都傻」、「剛喺（元朗）合益商場見到，畀張觀音像卡我，叫我請觀音，無理佢就走」。
「大師黨」遊元朗逐張睇 ＋ 街坊大爆騙徒行蹤
網民：幾十年嚟香港九龍新界都有
「大師黨」慣用的伎倆似乎已被網民看穿，指「呢啲傻嘢幾十年嚟香港九龍新界都有啦，你（樓主）未碰到過吧」、「幾時有停過？幾十年前都有，畀隻公仔問要錢，畀20蚊食飯、坐車，只有見到即走！」。樓主在回應欄內坦言「我未碰過......」，並笑言「唔通我個樣天真咗」。
食花生的網民感慨「元朗咩鬼都咁多」，指「依家啲大師＋埋個牌先得嗰廿蚊」，樓主也指「仲要出動2個人先$20」，被網民形容為「大師窮遊元朗......化緣」，並笑言「出面30度，2條友做一單，轉頭買支嘢飲冇埋，白做」；另有人估計「可能（個牌）10蚊有10個淘寶」。
有網民還笑言「睇嚟我呢個土地公公可以出動」，但被樓主提醒「係金色定紅色......人哋金色卡片加2個人先收$20」。有人則一本正經地促請「報警拉Ｘ咗呢啲人啦」。
「疫情前見過啲著僧人打扮某國人士，喺遊客區出沒，向住啲遊客笑口噬噬，將條手串喺你身、頭係咁打圈好似作法咁，之後塞畀佢，就會問人攞錢。嗰次畀我遇到，我剛落巴士，我大叫個外籍遊客don't take anything from him he will ask you for money（不要拿他任何東西，會向你要錢的），遊客點頭走了，僧服打扮人士衝我走來，我出了最厲害武器，舉電話拍佢，佢秒消失」。
https://www.stheadline.com/local-topics/3369994/%E5%85%83%E6%9C%97%E5%A4%A7%E5%B8%AB%E9%BB%A8%E5%91%A8%E8%A1%97%E6%B4%BE%E8%A7%80%E9%9F%B3%E6%94%B6%E9%8C%A2-%E9%96%8B%E5%83%B9%E5%91%A2%E5%80%8B%E6%95%B8-%E7%B6%B2%E6%B0%91%E6%9C%80%E5%8E%B2%E5%AE%B3%E6%AD%A6%E5%99%A8%E5%9A%87%E9%80%80%E9%A8%99%E5%BE%92Juicy%E5%8F%AE
