骨總

如果唔介意要轉咭既話 , 有隻叫隨便傾飛線王相當好用 , 即通(唔駛等幾秒)香港鈴聲且冇甩拖 , 有來電顯示大陸接 call 每分鐘 0.38 , 本身有埋 sim 咭俾你(有香港電話號碼) , 香港打去香港每分鐘 0.3 , 有效期半年(可增值) , $78 一張面值 $100 使用 , 上水/粉嶺/大埔/沙田/大圍/旺角/觀塘/深水埗/石硤尾/荃灣~好多賣咭電話舖有得買.

骨總

本身張咭可以o係香港用 , 有飛線及 IDD 功能 , 大陸打番大陸用番自己張大陸咭.

骨總

最經濟直接買張無月費所限既飛線咭唔駛左顧右忌.

骨總

或者我試下舉實例 , 首先我地要明白到針冇兩頭利.

問來問去只係想最平/冇月費束縛/接收最好/身處內地時有人由香港致電到國內唔會被發覺 , 因為香港鈴聲兼快晌 , 由國內致電回港最好要冇 +86 字頭出現 , 神不知鬼不覺岩晒偷跳一族 , 仲要唔駛換咭省卻人手麻煩.

將來或明天唔知 ,要有齊上述多項功能與優點 , 現時既答案可以肯定話你知 , 冇！

大家用心諗諗：

1)：用人手過關前換張咭有幾難？再懶 D 可用兩部電話.

2)：網絡供應商既然推出漫遊服務 , 有乜可能會俾你離開本土服務範圍時 , 由外地致電回港仍然處於擁有來電顯示但隱藏當地區號？如果可以既話供應商何須推出漫遊服務？如果可以既話走去美國致電回港咪慳水慳力？同一道理身處外地嘛.

3)：如果係單身駛唔駛攪咁煩？

4)：如果有女友或老婆要玩偷跳 , 最重要解決既係你身處內地而佢地誤以為你仍在港對否？任何一種滿足到你所須既功能不論平貴你也要付出 , 鬼叫你要玩偷跳對否？

5)：既然係偷跳 , 當解決到你既難題時 , 何必又要自己增添麻煩俾自己？玩到冇野好玩 , 從內地又要打電話返香港隻老虎乸！隻乸如果有事可以揾到你咪得欏 , 起碼佢仲以為你晌香港 , 點解要自尋煩惱玩恩愛相互通電姐 , 勿忘係偷跳呀.

6)：想話用 133 致電回港對方唔知你身在內地 , 請問大家平時打俾隻乸係咪一向冇來電顯示架？問心咪自欺欺人啦！如果對方見冇來電顯示或者以為係 D 廣告冇來電顯示公司電話唔肯聽你又點喱？

     有朋友試過因為佢老婆心水清而賴野 , 點解？好簡單 平時佢地兩公婆通電話一向有來電顯示 , 朋友北上屎忽痕無聊扮恩愛冇話題之下打俾佢老婆 , 佢老婆突然心血來潮問朋友所在 , 點解咁鬼鼠會冇來電顯示？要佢打多一次回港要有來電顯示 , 死未！仲唔穿！論你用 133 也好 12593 字頭也好 , 有 D 網絡供應商出現晌手機係分得出你係用停止示號既 '私人號碼' 定係從外地打入 '無號碼' 架 , 咪捉蟲.

7)：如果想慳本身又用開電話 , 有冇須要買多張一咭兩號？買多部手機定一部手機插咭互飛？買得一咭兩號梗係為方便郁多個動作都唔想啦 , 如果本身已經有大陸咭既話唔通掟落海？

8)：要驚就咪俾囡囡電話號碼 , 想方便囡囡互相通短信為佢而買一咭兩號 , 又唔想俾屋企人知道 , 有更佳方法我都想學下野.

[ Last edited by 骨總 on 2007-11-24 at 00:40 ]

骨總

要講既我都講晒.