[轉貼] 蛇蠍北姑顯型記 ( 真人相) ~~ 但願果位可憐既師兄睇到 !
老夫單拖晚飯 , 剛坐低無耐但見一男兩女步入 , 一女頗有姿色與另一女伴手挽手 , 男子手上七八袋女裝名牌, 一睇即知觀音兵是也 .
三人坐老夫前面台 , 男子背對我 , 一口同古天樂拍得住既普通話 , 唔使問阿貴肯定係港男 , 約三十歲 , 斯斯文文 , 手戴新款紀念版奧米茄 . 姿色女媚眼好勁 , 一口台式國語 , 猛咁多謝港男辛苦陪shopping , 出錢出力 , 另外件女亦猛讚港男好好先生 , 邊個嫁左佢一定幸福云云 ..
本來不過係一椿港男北上溝女既平常戲碼 , 但之後發生既兩件事令老夫要出今日呢個post .
一 : 未幾港男電話響 , 港男一看手機即畢恭畢敬接聽道 : "媽咪 , 我響深圳呀 , 唔好意思 , 要夜小小先返 , 今晚陪唔到你睇電視啦 , 聽早同你去飲茶啦. 同你未來新抱仔食緊飯呀 . ........ "
談話期間可知港男十分孝順 , 有良好既家庭關係 , 很在乎母親既感覺 .
二 : 不久港男去洗手間 , 本來貌似善良溫馴 , 一臉溫柔既姿色女馬上變臉 , 用陝西話與同伴講 , "媽個疵哦 ( 疵 = 西 ) . 這個 " 挂皮 " ( 低能仔 ) 煩死得咧 . "
另外件女回答 " 就是一個大家少 (少爺仔) , 你割的多少就割多少 , 莫太殺氣 . ( 唔好去到太盡 ) .要是人家認真咧 , 好的造孽撒 .
姿色女道 : 才不夠兩個月就說要和我結婚 , 整個挂皮 , 天天短信都十幾個 , 這個冤頭 , 不殺白不殺撒 .
另外件女話 : 那要是真的和你求婚 , 你就上岸當少奶奶唄 .
姿色女話 : 我結他媽的疵哦 . 沒得一層房子 , 一堆現金 , 老娘手都不讓他碰一下 . 你一會兒就說你有好玉賣 , 再殺他幾萬塊撒 .
另外件女話 : 好撒 !
未幾孝順港男回台 , 兩女馬上變回剛才的一臉善良可愛 , 仲不停討好港男 , 可憐既係港男又一臉享受 , 仲同兩女講在外國讀書既趣事 . 此情此境 , 真係睇到老夫火都黎埋 .
但當時老夫真係咩都做唔到 , 正所謂來說是非者便是是非人, 同孝順港男又三唔識七 , 根本無可能提醒佢, 兩女對話亦無錄音 . 想做件好事都苦無證據也 .
不久另外件女真係落嘴頭話自己手上有幾件好好既玉器 , 聲稱係去雲南旅行時買既 , 比起珠寶店果d 便宜好多 , 姿色女又做晒戲話如果真的好自己也買些俾鹵水雞翼 , 港男竟然興奮地說正想為母親買些好玉 ...
老夫除了搖頭嘆息 , 只有用手機影低呢件蛇蠍女子 ....
講真 , 呢件真算係秀色可餐 , 正正是應了那一句 " 卿本佳人 ... 奈何做賊 !
未久三人也埋單而去 , 睇黎孝順仔港男仲有排捱 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
真心希望呢個post 有緣俾呢位孝順仔睇到 , 而令佢迷途知返 , 錢財身外物, 係小事情 , 一旦心傷左就會留下陰影 . 望佢得一教訓後可以識到好女仔 . 咁孝順既男仔而家好少有 . 祝福佢 .
同時亦算係俾各位師兄既小小警言 , 小心誤墮情網 .
認住呢隻陝西狐狸精啦 ! 各位 !
附件
-
20100311_2.jpg
(19.27 KB)
-
2010-3-20 20:16
-
20100311_6.jpg
(37.02 KB)
-
2010-3-20 20:16
