昆侖卵事

[youtube]watch?v=zsPuoaktoAw[/youtube]

我早前喺芭提雅都有個不快經歷,想俾大家引以為鑑,希望大家去泰國玩得開心之餘,唔好跌錢

話說我冇跟芭提雅當地loacl tour,因為當日行程比較趕,原本打算曬下太陽就算.咁沿住beach road,都會有好
多人撩你玩水上電單車,出海浮潛等等..我同朋友2人(兩男)就係咁中左招我同朋友玩水上電單車,價錢為600匹30 MINS FOR 1,

玩之前要簽張同意書,入面都係果d細細粒字,內容大概係:摩打壞左要賠錢..遲還車又要幾錢..撞到人又點之類 ..有意外佢地冇保險之類..

字就好多,問心邊個會睇哂先簽Y,簽署就好簡單,只係要你個名(你寫咩名佢都唔會理)同埋住邊間酒店幾號房(當然佢唔會核實),咁簽完就會幫你同部水上電單車黎個合照,仲會叫你笑,當時氣氛係做到幫你留個念咁,冇諗過係惡夢的開始

玩完番去,佢地話我地撞爛個泵把位同HIGH花左部車,咁的確,我地兩個部車個泵把位真係花左...但我同朋友都一定冇撞過任何野!!!!!!係一定冇!!!!!因為我同朋友都分得比較開玩,唔會相撞,又冇駛入岸,一直都喺海中心,真係唔知D傷點黎之後佢地即時俾D出發前相我地睇,係冇事的,所以就一口話係我地做成咁.好啦.咁真係爛左,賠錢啦,咁賠幾多?

一部盛惠20000匹,另一部盛惠18000匹,一共38000匹!!!!!佢地會用做唔到生意,零件費,人工為理由去開呢條大,咁講咩都冇用,因為一開頭你簽左張同意書,加上用架車幾日做唔到生意為理由,呢個理由真係吹佢唔脹同時都係任佢開價,我地有試過企硬話太貴,佢都陪你企硬話一定要咁多,我地一傾價錢就傾左4個鐘....由黃昏到天黑最後經我地又唉又哄兩部車合共匹25000真係慘,明知俾人屈..仲有要哄番佢轉頭


賽後檢討:

1.到而家我同朋友都攪唔清楚泵把到底點解會爛,因為真係冇掂過任何野,但係事前相又真係冇穿冇爛

2.係點爛都好,個價就好明顯係屈你,真係爛左少少,程度係少少花同D木崩左少少

3.當地警察收左佢地錢,就算你報警都係一樣要賠 (你可自己上網SERACH 呢D新聞,唔難搵)

4.我諗真係要玩,搵芭提雅當地loacl tour 會穩陣好多

5.唔排除其他水上活動都有呢D古惑屈錢招

6.唔好以為寫假名假地址就得,你一上岸佢地就會包圍你,你想跑走都冇機會

7.簽果張同意書只係幫D黑警更加理直氣壯叫你賠錢 (呢個我純粹估),否則佢都唔會任你寫又唔核實