真黑仔
今日係 2010 年第一日返工，先祝各位 ching 骨運亨通，出入平安
由於0係屋企唔方便打咁多字，所以呢個 post 留到今日返工到 E + 可以蛇一蛇就馬上出個黑仔 report
話說除夕日，公司提早收工，唔使咁早返屋企交人，由於在太子始創食 lunch , 食完之後就拎張 list 出黎睇睇
因為平時都有做定下功課，將想試的都抄底電話、地址、價錢....等等，睇睇 list 內名單，抄底在始創附近有 3 間
分別係潤尾G、天泥方、尾建軒，潤尾G 上過一次，D 師父 R tips 好狼，唔想上去，於是打上天泥方，可能除夕關系，
暫時無 C 父得閒，要等，算... 打埋去第三間尾建軒，有位，第一時間中上去，其他野就唔多講 la , 今次主要分享下點黑仔
根據我的經驗，當日幫我做的相信是老板娘，佢開始按都無乜特別，大路野，都係咁上下，但係當佢按到我左面膊頭同後頸時，
鍊到我好痛，即時呀一聲叫左出黎，然後話比佢知好痛，叫佢輕手 d, 雖然佢細力左dd , 但都仲覺得有少少痛,C 父話痛先有效，
先可以推鬆 d 筋，叫我忍下，於是忍住痛繼續比佢又推又鍊，做完晒後出去比錢都仲忍忍作痛，當夜訓到半夜時，後頸位勁痛，
要起身拍左2粒必利痛，到第二朝痛到差 d 起唔到身，條頸硬晒，好彩係元旦假唔使返工，都唔 G 係咪比佢鍊傷左 d 筋，
今日第四日 la, 雖然痛楚已經明顯減輕，但係仲有少少痛，真黑仔。
[ 本帖最後由 mch17 於 2010-1-4 16:42 編輯 ]
