過路人

本人浦骨場有十幾年歷史, 但腳底場就好少去, 上桑拿街88見到有間新開腳底場叫 " 足遍香江 " 。

大大隻字話 " 色情免問 "  , 見招牌幾吸引, 就去做下腳底。

去到之後發覺場面都幾乾淨裝修亦算高雅, 隨便叫個c傅做腳底, 都覺得技術唔錯,

但我始終想做按摩, 問佢有冇呢個服務,   c傅話得穴位推拿同淋巴排毒,  佢仲話呢2個服務係中醫同美容既精髓,

見佢講到咁犀利於是我做完一個鍾腳之後,  再試一個鍾穴位推拿。

我同c傅講我有肩周炎手唔可以向後彎曲同埋舉唔高, 頸骨痛以至影響手部同手指麻痺。

經過C傅幾招屈手教, 頸部穴位指壓同推拿, 手部穴位指壓等。果然肩, 頸部馬上見效, 即刻鬆左幾成,

手部麻痺都減輕左。 C傅話每個禮拜做2至3次, 我D陳年舊患好大機會會好返晒, 佢仲話千祈唔好靠西醫。

我本來想再加一個鍾, 但因為時間關係, 唯有等下次, 我一定會再去過!!!

到埋單時更發覺價錢公道, 腳底收費$98, 穴位收費108, 總數206, 比起我去睇西醫骨科做物理治療每個禮拜2次,

每次$500!!!抵好多, 而且效果比物理治療仲要好。我覺得c傅有料到, 招呼又好, 就打賞$50比佢, 點知佢淨係收左我廿蚊!!

話係公司規矩, 如果客人要比茶錢, 每個鍾最多只可收$10!!!!!

如此收費!!!!!

如此c傅!!!!!!

如此公司制度!!!!!!!!

竟然係 " 足遍香江 " 搵到!!!!!!!

第日我有好地方去la !!!

特公諸同好 ^^

[ 本帖最後由 過路人 於 2009-7-14 18:51 編輯 ]