龍仔

我朋友試過有甘樣既經歷,有日中午佢係羅湖買左兩個面包諗住一路食一路等巴士, 點知有個中年女人突然走過來用普通話同佢講, 話佢係外地來既, 早兩日錢包比人偷左, 身上已無分文, 已經幾日無食過野. 問我朋友可唔可以比少少面包佢食, 本來我朋友都唔係好想理佢既, 但係個女人再三跪求我朋友話只想要一點點面包食, 食完佢就走, 係甘既情況下我朋友見佢就真係幾可憐下, 而且想快d打發佢走就比左另一個未食過既面包佢, 佢諗住比左佢之後件事就會了結……  
但甘就大撚鑊喇!!! 跟住落來最唔想發生既事就發生左…  
個中年女人咬左兩啖面包之後就暗住個肚同我朋友講話肚好痛, 係度大吵大鬧話我朋友既面包有毒, 要我朋友比錢佢睇醫生(係甘既情況下我朋友知道瀨左野啦!!!). 佢即時同佢講佢都係岩岩食完一個面包無事wor(但就有西用咩, 人地要做你, 就梗係有晒準備啦!!). 個女人越嘈越利害, 越嘈越大聲, 仲捉實佢死唔肯放手, 因為當時個巴士站都幾多人, d人見到甘既情況就圍住佢地, 好似睇戲甘睇!! 而我朋友就想走都走唔到, 佢同個女人都理論左好耐, 最後佢都比左300蚊佢走, 熄事寧人……
之後佢返黎同我講番件事我就笑佢甘撚清純甘都比人呃, 但諗真下如果換著係我可能都一樣會中招……唉!