引用:
Originally posted by itskt at 2008-1-31 13:32:
係喇,
d場開大要幾舊水, 我得舊幾水, 唔做我生意, 分化
LV要幾千銀一個, 我攞住千幾, 唔肯買比我, 分化
老細間屋幾千呎, 我間得幾百, 同佢換佢又唔肯, 分化
個衰鬼miss教我做人要有禮貌, ...
師兄呢個比喻唔係咁正確，你所舉例嘅LV呀，樓呀咁，
呢ｄ嘢實質真係有個公認嘅價值响度，你個人條件唔夠，
當然就應該無得享用啦.......無得話分化唔分化格！
但係一編帖子就唔係同一回事；
” 發帖人" 當然可以去決定自己嗰編帖子嘅價值，
但大多數" 閱讀者 "都會認為：一編帖子嚟啫，無咩特別吖.....
或者我試用一個比喻：菠蘿飽３蚊一個，
理應個個人都可以買嚟食，間間舖頭都係咁賣嫁啦，
但點解偏偏你整嗰個要賣成千銀呢？
即使係菠蘿油，椰絲菠蘿飽或者紅豆菠蘿飽，
賣貴些少咪得囉，你整嗰個駛唔駛賣貴咁多呀？
咁嘅情況，不禁令人提出疑問：
唔通師傅你嘅菠蘿飽，想淨係整俾ｄ有錢佬食？
至於ｄ窮鬼囉喎....唔該閃開！！（這正正就係我所質疑嘅分化嘞，
高權限即係SET咗個圍內人小圈子，摒棄咗其他大部份人嘅睇帖權利）
咁，師兄當然可以話：佢整嘅菠蘿飽，係要賣咁貴嫁，
鬼叫你自己唔勤力d搵錢呀，你唔夠錢咪無得食囉.....
話說回來，好多新加入或救國經歷少嘅師兄，
同埋不善於發帖或做回應嘅師兄，
佢地都想睇多ｄ帖，從而學多ｄ嘢，
但就唔可能於短時間內攞咁多分去睇呢ｄ高權限帖子囉.....
好嘞，講完嘞；
好多謝眾多師兄嘅意見同詳細解釋，
依家我亦好明白設立呢個機制嘅原因；
我之所以發表見解，
只係想眾多前輩將來發新帖嘅時候，
能夠多多照顧同體諒我地呢ｄ窮鬼啫.......
註：以上全屬以事論事，閒話家常一則；
