一名長髮女子帶同一支「大支嘢」乘搭港鐵，從袋中伸出的「大支嘢」剛好掂到身後一名男子，該名中招的男乘客在網上尷尬發文，指「你條嘢頂到我」；有網民笑言這情況「可以告非禮」。
樓主：呢位乘客，你條嘢頂到我
樓主早前在社交平台Threads以「MTR」為題上載相片發帖，指「呢位乘客，你條嘢頂到我」。相中見到車廂內人多擠迫，當中一名長髮女乘客孭著單邊黑色布袋，而一條長長的蘆薈正從布袋伸出，剛好掂到身後男子的手臂。
網民識貨：蘆薈係好嘢嚟
有識貨的網民指「蘆薈係好嘢嚟㗎，幫佢唧啲汁出嚟，搽下隻手可以保濕」、「整斷佢攞啲汁用吓😆等個人都潤滑啲」、「係我就剪咗佢落黎搽面」。
另有「好心」人建議把伸出的蘆薈「對摺塞返入去」、「幫佢摺一摺塞返落個袋入面」、「剪咗佢😂幫佢收返入袋，就唔會頂到你」；有人甚至獻計，「隻手扮無意識㩒住佢，等佢行�H時候扯一扯個袋，甩咗就你多條蘆薈食」。
有網民則正經地指「同佢講聲唔會打你掛」、「直接話俾人知用手拿」，有人則笑言「第一眼睇 以為鏈鋸人（動漫）」、「厲害，你應該係遇到一個武林高手下山比武啦」；有人則認笑稱這情況「可以告非禮」。
有見及此，有人感慨「啲人買條咁長�H嘢都唔識自己整理下可以攞得好啲，品德、行為、禮儀教育，香港�H長輩、學校、社會，真係非常失敗」。
https://www.stheadline.com/local-topics/3514065/
