青衣寮肚路長宏邨小巴總站昨發生自稱三合會成員勒索金錢案，機警站長臨危不亂，拍下對方勒索1,000元過程。片中一名姓盧（40歲）紋身漢，自稱阿峯，穿上帶點污漬又穿窿的白色短袖T恤，踢着拖鞋走進站長室，向姓王（48歲）站長投訴較早前被小巴司機拒搭霸王車，更自稱是黑幫新義安「顏成�H細佬」，解釋拒付車資原因:「你唔係淨係侮辱緊我，仲侮辱我大佬，侮辱緊我�H單位」。
片段開頭即見阿峯握着手機走進站長室，劈頭就說：「我係成哥啲細佬，司機都唔會收錢，大家都識我，我成日喺度同成哥傾計」，王表現愕然，不明他意思，阿峯即補充：「我係佢黑社會啲細佬」，王問：「邊度黑社會」，他即說：「新義安」。
有人更大條道理說：「我今日響得成哥個朵，你係咪都應該畀番啲面我」，王反駁：「畀乜面？你上車就要畀錢，你黑社會唔駛畀？」阿峯則解釋：「幾蚊車錢，我唔係搭唔起......你咁做，唔單止踩我，連我個單位都冇面」。
「畀一千蚊，大家攞個意頭」
王假扮就範，暗中盤算蒐證及報警，讓對方以為自己屈服。阿峯其後直接勒索金錢，另一段片則見他說：「畀一千蚊，大家攞個意頭」，阿峯一再重申：「你唔係淨係侮辱緊我，仲侮辱我大佬，侮辱緊我�H單位」。他又吹捧「顏成」是幫中地位舉足輕重：「紮職……，要佢主持」。其後又提及：「我阿公叫細超，係屯門新義安。」
王拍下證據後，即偷偷報警求助，警方到場調查後，以涉嫌勒索及自稱三合會成員拘捕阿峯，案件交由葵青警區反三合會行動組跟進。有反黑組警官透露，沒有聽過案中男子提及的「顏成」人馬，而「細超」應該年過七旬，退隱江湖逾30年。
https://www.hk01.com/%E7%AA%81%E7%99%BC/679850/%E6%9C%89%E7%89%87-%E6%88%91%E4%BF%82%E9%BB%91%E7%A4%BE%E6%9C%83-%E7%B4%8B%E8%BA%AB%E6%BC%A2%E6%90%AD%E9%9C%B8%E7%8E%8B%E5%B0%8F%E5%B7%B4%E9%81%AD%E6%8B%92-%E5%8B%92%E7%B4%A2%E7%AB%99%E9%95%B71000%E5%85%83%E8%A2%AB%E6%8D%95
